«Үөһээ Бүлүү» хаһыакка «Айсен Николаев үлэтин сүрүн түгэннэрэ» ( тохсунньу 9-15 күннэрэ) суруйуутуттан кылгастык оҕолорго билиһиннэриэм.
Тохсунньу 9 күнэ. Айсен Сергеевич нэдиэлэ саҕаланыыта, былаанныыр мунньахха, тохсунньу ый устата бары эйгэҕэ түмүктэри таһаарыы, бырабыыталыстыба отчуотун ыытарга
бэлэмнэнии барарын уонна улуус нэһилиэктэрин хабан миэстэтигэр отчуот буолуохтааҕын тоһоҕолоото.
Тохсунньу 10 күнэ. Роспотребнадзор Саха сиринээҕи управлениетин салайааччыта Маргарита Игнатьеваны кытта эпидемиологическай балаһыанньа уонна үлэ былаанын туһунан кэпсэттилэр. Грипп тарҕамматын туһугар салгыны ыраастыыр миэрэни тутуһарга сорудахтаата. 2024 сылга «Азия оҕолоро» оонньууну тэрийиигэ бэлэмнэнии барыахтааҕын эттэ. Уонна «Водоканал» хампаанньа ааспыт сыллааҕы үлэтин көрдө. Инники соруктары туруорда. Жатайга уонна Үөһээ Бүлүүгэ канализационнай-ыраастыыр ыстаансыйа үлэҕэ киирбит.
Тохсунньу 12 күнэ. Дойду бэрэсидьиэнэ В.В. Путин сорудаҕынан Ил Дархан «Эр санааланыы» уордьанын анал байыаннай дьайыы толоонугар дьоруойдуу олохтон туораабыт разведчик, гвардия ефрейтора Ярослав Греков ийэтэ Жанна Грековаҕа туттарда.
Тохсунньу 13 күнэ. Саха сиригэр быстах хомуурга ыҥырыллан барбыт дьон, байыаннай сулууспалаахтар уонна кинилэри кытта бииргэ олорор дьиэ кэргэттэрин хомунаалынай өҥө, хапытаалынай өрөмүөн иһин төлөбүргэ пеня ааҕылларыттан босхоломмуттар. Араассыйа Бэчээтин күнүгэр Ил Дархан Саха сириттэн байыаннай кэрэспэдьиэннэри кытта көрүстэ. Кини байыаннай кэрэспэдьиэннэр миэстэтигэр тиийэн, суһал, кырдьыктаах матырыйааллары оҥорон, сырдаталларын иһин махтанна.
Сайаан Павлов, «Тымтык» эдкорпост, Ороһу.