Оҕолоор, Ийэ күнэ чугаһаата. Тапталлаах Ийэлэргитин хайдах үөрдэри толкуйдаатыгыт дуо? Мин бүгүн эһиэхэ 10 сүбэ бэлэмнээтим.
Алтынньы 17 күнүгэр Саха сиригэр Ийэ күнүн бэлиэтиибит. Күн сиригэр саамай күндү киһи – ИЙЭ. Ийэбит барахсан илиитэ сылааһа, кини сатаабатаҕа суох. Ийэбит сүрэҕэ, санаата амарах. Кини уҕараабат тапталынан иэйэр.
Мин ийэм Евдокия Егоровна кыраһыабай, сымнаҕас, эйэҕэс, бэһиэлэй майгылаах. Кини ас астыыр, иистэнэр, баайар, уруһуйдуур, быысапкалыыр. Биһиги бырааппынаан ийэбитин олус таптыыбыт
Ийэбит биһиэхэ үтүө сүбэһит. Күндү ийэбит доруобай, дьоллоох буоларыгар баҕарабыт.
Оҕолоор, тапталлаах ийэлэргитин хайдах үөрдэри толкуйдаатыгыт дуо? Мин бүгүн эһиэхэ 10 сүбэ бэлэмнээтим.
Тускутугар туһаныҥ!
- Бэйэҕит уруһуйдаан ОТКРЫТКА эбэтэр илиигитинэн БЭЛЭХ оҥоруоххутун сөп.
- Ийэҕит сөбүлүүр СИБЭККИТИН атыылаһан, соһутуоххун сөп.
- Үөрэххэр кыһаллаҥҥын, күрэхтэргэ кыттан, СИТИҺИИЛЭРГИНЭН үөрт.
- Ис сүрэххиттэн ХОҺООН АЙАН, айар дьоҕургун көрдөр.
- Сарсыардаттан АС АСТААН, күндүлээ.
- Кууһан, сыллаан, махтанан, ТАПТАЛГЫН көрдөр.
- Билиэт атыылаһан, ТЕАТРГА эбэтэр КИИНЭҔЭ сырытыннар.
- Ийэҥ олус сылайар. Дьиэ үлэтин этиттэрбэккэ оҥорон, КӨМӨЛӨС.
- Ийэҕин кытта истиҥник сэһэргэс, кэпсэт. БОЛҔОМТОТО уур.
- Ийэҥ ыраах сылдьар буоллаҕына, ВИДЕО-эҕэрдэтэ устан ыыт.
Айгылаана СИВЦЕВА, 6 кылаас үөрэнээччитэ.
«Дьоҕур» пресс-киин, Кэбээйи орто оскуолата.