Саха сирин ийэлэрин күнүгэр биһиги саамай күндү дьоммутугар тугу бэлэхтиибит диэн толкуйдаабыппыт. Маҕаһыыҥҥа баран, пакет суумка атыыласпаттарын курдук экологическай суумка, ол эбэтэр шоппер тигиэххэ сөп дии санаабыппыт.
Бары бииргэ мунньустан, тэҥҥэ олорон эрэн суумкабытын тикпиппит. Онно биһиэхэ 6-с кылаас үөрэнээччитэ Ариана Тимофеева хайдах суумканы тигэри көрдөрбүтэ. Бу иннинэ кини суумка тикпит этэ, ол иһин билэрэ. Мин ийэбэр бэлэхтиир суумкабар ыйдаҥа уруһуйдаабытым, харыйалары уонна палатка баар, кытыытынан сүрэхтэри уруһуйдаабытым.
Бу тэрээһиҥҥэ 12 оҕо суумка тиктэ. Бары оҕолор кыһаллан оҥордулар дии санаатым. Үчүгэйдик уруһуйдуур оҕолор бааллар эбит. Ийэлэрбитигэр бары суумкаларбытын бэлэхтээбиппит. Наһаа үөрбүттэрэ уонна бу суумкалары күн аайы тутталларыгар баҕарабын.
Сахаяна ВАСИЛЬЕВА,
М.Е. Васильева аатынан 2-с Малдьаҕар орто оскуолатын 5 кылааһын үөрэнээччитэ.