Мэнэ Ханалас улууһугар кулун тутар ый 1 күнүттэн 21 күнүгэр диэри «Ийэбиниин сахалыы ааҕабын» диэн ааҕыы күрэҕэ ыытылынна. Бу күрэххэ улуустан 539 оҕо күрэхтэстэ, 53 алын кылаас үөрэнээччитэ халандаар, ааҕыы дневнигын туппуттара.
Биһиги Ф.Г. Охлопков аатынан Майа орто оскуолабытыгар баҕалаах оҕолор уонна ийэлэр кыттыыны ылан, саҥа уопут ыллылар. Чуолаан бэлиэтиэхпитин баҕарабыт 2 «б» кылаас үөрэнээччилэрин, төрөппүттэрин уонна кылаас салайааччытын Елена Николаевна Чичахованы. Кылаас бары үөрэнээччилэрэ бу марафоҥҥа ситиһиилээхтик кытыннылар. Марафон куратордара библиотека улэһиттэрэ, кылаас салайааччылара буолан, кыттааччыларга сорудах толоруутугар хонтуруоллаан, ыытааччыларынан буоллулар. Кинилэр кыттааччыларга сүбэ-ама биэрэн көмөлөстүлэр.
Бу марафон тумугунэн 53 алын кылаас үөрэнээччитэ халандаар, ааҕыы дневнигын туппуттара.
Биһиги оскуолабытыттан «Ийэбиниин сахалыы ааҕабын» марафон кыайыылаахтарынан ааттаннылар: Пинигин Алеша 1«а» кылаас үөрэнээччитэ ийэтинээн Туйаара Николаевналыын уонна Прокопьева Амелия 4 «а» кылаас үөрэнээччитэ ийэтинээн Наталья Михайловналыын. Ону таһынан, 12 уерэнээччи араас номинацияларга тигистилэр.
Бу маннык марафон ыытыллара дьиэ кэргэннэ саха тыла сайдарыгар, оҕолор уонна төрөппүт сахалыы тылынан кэпсэтэллэригэр, ийэни уонна оҕону ситимниир олус суолталаах.
Диана Игнатьева,
10 “б” кылаас үөрэнээччитэ,
ОхлопковNews медиа-киин, Мэҥэ Хаҥалас