Мин аатым Милена. Майаҕас орто оскуолатыгар III кылааска туйгуннук үөрэнэбин.
Биһиги бииргэ төрөөбүт алтыабыт. Убайым Кирилл VI кылааска үөрэнэр, боксер. Эдьиийим Динара — IV кылаас, ритмиканан дьарыктанар. Бырааттарым Серафим уонна Байдам уһуйааҥҥа сылдьаллар. Балтым Күөрэгэй дьиэҕэ олорор, оонньуур, кини кыра. Ийэм Алена Гаврильевна – оскуола асчыта, аҕам Михаил Александрович — ДьУоХ үлэһитэ.
Саамай чугас күндү киһибитин, ийэбитин Алена Гаврильевнаны, бу кэлэн иһэр ийэлэр күннэринэн итиитик –истиҥник эҕэрдэлиибин! Баҕарабын алмаас курдук кытаанах доруобуйаны, үөрүүнү элбэтэр ситиһиилэри, куруут дьоллоох буоларгар баҕарабын! Биһиги бары эйигин олус күүскэ таптыыбыт!
Милена Гоголева,
В.А.Протодьяконов-Кулантай аатынан Майаҕас орто оскуолата.
Уус Алдан.