Төрөөбүт тыл күнүн көрсө, Сунтаарбыт улууһугар Төрүт тыл сылынан биллэриллибитэ.
Оскуолабытыгар олунньу 13 күнүттэн Төрөөбүт тыл, сурук- бичик декадата саҕаланна. Манна араас тэрээһиннэр ыытыллыахтара. Бу күн учууталлар уонна оҕолор бары сахалыы таҥнан киэргэнэн кэлбиттэр.
Уруок бүтүүтэ кылаас аайы «Дьоһуннаах кэпсэтии» диэн кылаас чаастара ыытылыннылар. Актовай саалаҕа оҕолор, учууталлар түмсэн Россия уонна Саха сирин былааҕын көтөхтүлэр.
Дириэктэр иитэр үлэҕэ солбуйааччыта Васильева Лилиана Витальевна декада арыллыытын билиһиннэрдэ, бу бэлиэ күн суолтатын кэпсээтэ уонна декада бары тэрээһиннэригэр көхтөөхтүк кыттарга ыҥырда. Уруоктар икки ардыларыгар төрүт остуол оонньуулара көрүдүөргэ тэрийдилэр.
Сахалыы сайаҕастык саҥарар, иэйиибитин истиҥник этинэр Ийэ тылбыт сүппэккэ үүнэ сайда турдун!
Сунтаар бастакы нүөмэрдээх орто
оскуолатын «Дьулуур» медиакиин