Өксөкүлээх Өлөксөй аатынан Дьохсоҕон орто оскуолата бүгүн «Ийэ тылбынан ааҕабын» өрөспүүбүлүкэтээҕи төрөөбүт тыл, сурук-бичик күнүнэн, Өксөкүлээх Өлөксөй 145 сылынан, Саха Автономията төрүттэммитэ 100 сылынан уонна Ааҕыы сылынан онлайн-күрэс ыыттыбыт.
Онно Дьокуускай саха политехническэй лицейиттэн, национальнай гимназиятыттан, 19-с нүөмэрдээх оскуолатыттан, Чурапчы Бахсытыттан, Бүлүү Тылгынытыттан, Сунтаар Күүкэйиттэн, Хаҥалас Үөдэйиттэн, Абый Муҥурдааҕыттан, Мирнэй Таас Үрэҕиттэн, Амма Болугуруттан, Орто Халыма Сыбаатайыттан, Булун Күһүүрүттэн, Нам Хатыҥ Арыытыттан, Таатта улууһун оскуолаларыттан 10-11 кылаас үөрэнээччилэрэ кытыннылар. Оҕолор саха суруйааччыларын кэпсээннэриттэн, хоһоонноруттан быһа тардыыны аахтылар.
Дьүүллүүр сүбэ оҕо төһө иэйиилээхтик уонна дорҕоонноохтук ааҕарын, тохтобулу таба туһанарын, тыла чуолкайын, артыыстаан ааҕыытын сыаналаата. Үс түһүмэх түмүгүнэн муҥутуур кыайыылааҕынан Анжелика Егорова (Күүкэй орто оскуолата) таҕыста. Бары кыттыбыт үөрэнээччилэргэ, салайааччыларыгар, дьүүллүүр сүбэҕэ махтанабыт.
Мария Сивцева.