Төрөөбүт тыл, сурук-бичик күнүн көрсө Г.Г. Софронов аатынан Өлөөкө-Күөл орто оскуолатын үөрэнээччилэрэ биир буукубаттан кэпсээннэри суруйан ыыттылар.
Бугуллаах барахсан
Балыксыт Бүөтүр бүгүн балык бөҕөнү бултаата. Балыктыыр биэрэгэ «Бугуллаах биэрэк» буолар. Бүөтүр баарыын биэрэгэр биэс буолуута барбыта. Бүөтүр бэйэтин билэр буолуоҕуттан «Бугуллаах биэрэгэр» балыктыыр. Бүгүн Бугуллаах барахсан Бүөтүргэ бөдөҥ быраҥааттатыттан бэлэх биэрдэ.
Сааскылаана Бубякина, 8 кылаас үөрэнээччитэ.
Атастар
Араадьыйа аргыстаах Айгылаан Аркадьевич атастаатар атаһын алгысчыт Арчылаан Арамаанабыһы аралдьытаары алаас аартыгар айбыт айымньытын айахтатан айаарбыт. Арчылаан Арамаанабыс атаһын айымньытын астыммыт, «аныгылыы ааптар айымньытынан» ааттаабыт. Алаастарыттан арахсан, Арчылаан аймахтарыгар аттаммыт. Аара атаһын алгыһын алыбыра аймаммыт. Астына-астына айаарбыт.
Эмилия Заболоцкая, 8 кылаас үөрэнээччитэ.
Балыксыт Байбал
Былыыр-былыр биир бастыҥ балыксыт баара. Бу «Балыктаах» Балыксыт Байбала буолар. Биирдэ Байбал «Балыктаахха» барбыт. Байбал бултаабыт балыгын барчалаан бырааттаах балтыгар бэлэмниир. Бүгүн балык баара биллибэтэ. Байбал ботугураата: «Байанайым бэрсибэтэ буолбаат… ». Ботугуруу-ботугуруу балаҕаныгар баран бутугаһын буһарынна.
Эрхан Созонов, 9 кылаас үөрэнээччитэ.
Булчуттар
Былыыр-былыр биир балаҕан баара. Балаҕан баһылыгынан булчут Бүөтүр буолар. Бу балаҕан баҕанатыгар бытырыыстаах былаат, бөдөҥ баҕайы бөрө баппаҕайа баайыылааҕа. Билигин балаҕаҥҥа Бүөтүр быраата Бөдөҥ Байбал баар. Байбал былыргы баҕайы «Бурааннаах» бэргэн булчут. Бүөтүр быраатыгар Байбалга бытырыыстаах былааты бэлэхтээбитэ. Байбал былааты баһыгар баанан биирдэ бултуу барбыта. Бинтиэпкэлээх баран бөрөлөөбүтэ, бултуйбута. Былаат байанайдаах буоларын билбитэ. Бултаан бүтээт, былаатын, бөрөтүн баппаҕайын баҕанатыгар баайбыта. Бөдөҥ Байбал бырааһынньыктарга, балыктаан-бултаан Байанайа биэрдэҕинэ, булдуттан барыларыгар бэркэ бэрсэр.
Люба Еремеева, 9 кылаас үөрэнээччитэ.
Кустааҕар куттаҕас
Күһүн. Колесовтар кыбартыыралара. Катя кымыс кутар, Коля килиэп кырбыыр, кыра Костя кэмпиэт көрдүүр. Киэһэ Коля күөлтэн кураанах куһу көтөҕөн киллэрдэ. Костя кустан куттанан куотта. Катя кыыс күллэ. Коля Костяҕа кэрэ көстүүлээх кус кынатын, куорсунун кичэйэн көрдөрдө. Киичэрэ курдугунан көрбүт кустан Костя кэлин куттаммат.
Изольда Слепцова, 9 кылаас үөрэнээччитэ.
Тима
Тохсунньу томороон тымныыта түстэ. Тима таһырдьа таҥныбакка тахсан тииһин тымнытта. Түүн төрүт тииһэ тулуппата. Тура түһээт Таня Тиманы тиис тууртара тиэтэттэ. Тима тиис тууртарарыттан, туртаҕар таҥастаах тиис туурааччыттан толлор. Тараҕай төбөлөөх тиис туурааччы толоостук туттубакка Тима тииһин туурбута. Тима тииһин тууртаран, таҥаһын таҥнан, табыллан төттөрү төннүбүтэ.
Элла Сухомясова, 9 кылаас үөрэнээччитэ.
Хаартыска Интернет ситимиттэн.
keskil14.ru