Оройуоннааҕы «Уоланнар ааҕыылара» алын сүһүөх уолаттарыгар ахсынньы 8 күнүгэр Чаппанда оскуолатыгар буолан ааста. Бэйэлэрин куусталарыгар сүүмэрдээһини ааспыт, миэстэ иһин киирбит уолаттар кэлэн хоһоон аахтылар.
Бииртэн биир доргуччу ааҕар уолаттар кииристилэр. Биһиги оскуолаттан 4 кылаас үөрэнээччитэ Уйгулаан Васильев Ийэҕэ анаммыт декада чэрчитинэн, П. Тобуруокап ийэҕэ анаммыт хоһоонун ааҕан, 1 миэстэ буолан үөрэн-көтөн кэлбитэ. Салайааччыта Светлана Николаевнаҕа, төрөппүттэригэр эҕэрдэбитин тиэрдэбит.
Лияна Федорова 6 кыл. үөрэнээччитэ, «Ыллык» эдкорпост, Ньурба Хаҥалаһа.