Игидэй орто оскуолатын үөрэнээччилэрэ сөбүлээн туран блогер идэтин баһылыыллар. Ол курдук, оҕолор бу сайын турбут ойуур баһаардарын туһунан матырыйаалы хомуйан саҕалаатылар.
Бу сайын Таатта улууһугар ойуур баһаардара эмиэ улахан кутталы үөскэтэ сырыттылар. Ол туһунан Игидэй орто оскуолатын блогер оҕолоро видеоматырыйаал хомуйан саҕалаатылар. Бу күннэргэ кинилэр улуус үөрэҕин управлениетын профсоюһун бэрэссэдээтэлиттэн улуус киинигэр Ытык-Күөлгэ суоһаабыт баһаар туһунан интервью ыллылар.
Онон блогер хамсааһын өттүгэр саҥа саҕалаан эрэр оҕолор үлэлэрин сыаналыаҕыҥ уонна хас биирдиибит киирэн, социальнай ситим ирдэбилинэн, «лайк» туруоран видеоҕа «комментарий» хаалларыаҕыҥ.
Онтон эдэр блогердарга биһиги ситиһиилэри баҕарабыт уонна эһигиттэн элбэх интэриэһинэй матырыйаалы күүтэбит!