«Иэйиэхсит» оҕо бөлөҕө «Кэл, олор, остуоруйалаһыах» бырйыагынан Ороһу уһуйаанын оҕолоругар остуоруйа көрдөрбүтэ ахсыс сыла буолла.
Куукулалары төрөппүттэр оҕолорунаан оҥороллор. Остуоруйаларын Тамалакаан, Харбалаах уһуйааннарыгар баран эмиэ көрдөрөөччүлэр.
Остуоруйаларын туруоран баран, көрбүт оҕолортон, остуоруйаҕа үчүгэй, мөкү дьоруойдарын тустарынан санаа атастаһыытын ыытан, оҕолор тылларын-өстөрүн истэн баран, остуоруйа иитэр — үөрэтэр өттүн түмүк оҥорор үгэстээхтэр.
Ордук көхтөөхтүк кыттыбыт оҕоҕо сэмэй бэлэх биэрэллэр. Соторутааҕыта, 3 кылаас үөрэнээччилэрэ, «Иэйиэхсит» оҕо бөлөҕүн иитиллээччитэ, Авелия Кириллина — «Колобок», Ирена Кардашевская — «Эриэппэ», Амелия Прокопьева — «Саһыл, куобах, андаатар» остуоруйалар бииргэ үөрэнэр оҕолоругар көрдөрөн бэйэлэрэ астыннылар, көрөөччүлэр үөрдүлэр.
keskil14.ru