И.Е.Винокуров аатынан Намнааҕы педагогическай колледжка саха норуотун хоргуйууттан быыһаабыт бөдөҥ государственнай-общественнай деятель И.Е. Винокуров төрөөбүтэ 125 сылыгар уонна оскуолаларга төрөөбүт тылынан үөрэтиини оннунан хаалларыыны туруорсубут, үөрэх тэрилтэлэригэр үөрэтии-иитии норуот үгэстэригэр олоҕуран сайдыахтааҕын туруорсубут Н.И. Шарин төрөөбүтэ 90 сылыгар аналлаах кэтэхтэн ыытыллар «Чиряев ааҕыылара» өрөспүүбүлүкэтээҕи VII научнай-практическай кэмпириэнсийэ балаһыанньата
Тиэмэтэ: Норуот педагогиката сиэрдээх өй-санаа олохтонуутугар, ийэ тыл сайдыытыгар оруола.
Сыала: Ыччаты патриотическай тыыҥҥа иитиигэ, ийэ тылы туттууга төрөппүт, иитээччи, учуутал оруолларын үрдэтии.
Соруктара:
- Ийэ тыл туттуллар эйгэтин кэҥэтии;
- Оҕону дьиэ кэргэҥҥэ иитиигэ туттуллар көдьүүстээх ньымалары, үтүө үгэстэри көрдөөһүн, үөрэтии, тарҕатыы;
- Оҕону сахалыы тыыҥҥа иитиигэ санаа атастаһыыта, кэмпириэнсийэ кыттыылааҕа ийэ тылынан хомоҕойдук санаатын сайа этинэрин көҕүлээһин.
Тэрийээччи: И.Е.Винокуров аатынан Намнааҕы педагогическай колледж.
Ыытыллар көрүҥэ: Кэтэхтэн ыытыы (тэйиччиттэн).
Күнэ-дьыла: 2021 сыл, олунньу 18 күнэ.
Ыытыллар көрүҥэ: Кэтэхтэн.
Кыттааччылар: Устудьуоннар, учууталлар, иитээччилэр, куруһуок салайааччылара, төрөппүттэр.
Секциялар:
- Ыал – олох төрдө, омук кэскилэ.
- Үөрэх тэрилтэлэригэр оҕону норуот тыыныгар иитии ньымалара.
- Саха саарыннара.
Наҕараадалааһын: Дьүүллүүр сүбэ быһаарыытынан, секция ахсын 3 бастакы миэстэ ананар. Кыайыылаахтарга диплом, бириис туттарыллар, көннөрү кыттыбыт дьоҥҥо – туоһу сурук.
Усунуос: устудьуонтан — 150 солк., үлэһиттэн — 300 солк. Дакылааттар тезистэрэ хомуурунньукка бэчээттэнэллэр. 
Сүрүн ирдэбиллэр:
- Дакылаат научнай аппарата ситэри буолуохтаах, 14 шрифт, устуруокалар арыттара балтараа, үөһээ, аллараа уонна уҥа өттүгэр 2-лии см тэйитиллэр туһаныллыбыт литература ыйыллыахтаах.
- Дакылаат сахалыы суруллуохтаах, тезис 2-3 сирэйтэн ордуо суохтаах.
- Дакылааччыт көрдөрөр-иһитиннэрэр сириэстибэни туһаныахтаах, видео уһуна 5 мүн. ордуо суохтаах.
- Дьүүллүүр сүбэ дакылаат ирдэбиллэрин тутуһууну, тиэмэ ис хоһоонун арыйыыны, көрдөрүллэр матырыйааллар төһө табатык туттуллубуттарын, дакылааччыт кэпсиир дьоҕурун, бэриллибит бириэмэни тутуһуутун көрөр.
Кэмпириэнсийэҕэ кыттарга сайаапканы, дакылааты, төлөбүр квитанциятын, кыттааччы тус бэйэтигэр сыhыаннаах дааннайдарын көрөллөрүгэр сөбүлэҥин олунньу 15 күнүгэр 17 ч. диэри npc-nmo@mail.ru аадырыска ыыта5ыт.
Билсэр нүөмэргит: Полускина Дария Владимировна, методист.Тел., факс: 8 (411-62) – 41 -194; тел.моб. 89841043945