Кэбээйи улууһун II Лүүчүн нэһилиэгэр Баҕадьа орто оскуолатыгар, биир дойдулаахпыт, СӨ норуодунай артыыһа А.П.Николаев көҕүлээһининэн сылын аайы сахалыы Ийэ тылы үйэтитиигэ араас күрэхтэр ыытыллаллар.
Былырыын уус-уран тэттик киинэни устуу эбит буоллаҕына, быйыл Саха өрөспүүбүлүкэтигэр Ийэ сылынан “Ийэ таптала” тиэмэҕэ “Баай – талым төрөөбүт тылым ”- диэн уус-уран ааҕыы күрэҕэ ыытылынна.
И.Е.Левин аатынан Танара орто оскуолатыттан 6 кылаас оҕолоро: Егорова Алена, Афанасьева Кристина, Эверстова Лилия кытыннылар. Күрэх үс сүһүөҕүнэн ыытылынна. Дьүүллүүр сүбэ бэрэссэдээтэлинэн СӨ норуодунай артыыһа Анатолий Павлович Николаев бэйэтинэн үлэлээтэ.
Кристина — Дьуон Дьаҥылы “Төрөппүт ийэм”, Алена — Амма Аччыгыйа “Ийэ”, Лилия Баал Хабырыыс — “Ийэ сүрэҕэ” хоһооннорун аахтылар.
Түмүккэ, Афанасьева Кристина 1 миэстэ, Егорова Алена 3 миэстэҕэ тигистилэр, онтон Эверстова Лилия туоһу суругунан биһирэннэ. Оҕолору саха тылын учуутала Самсонова С.Н. бэлэмнээтэ. Ааҕыларга саха тылын, төрүт култуура учуутала Васильев А.С., оскуола дириэктэрэ Эверстов Е.П. ильдэ бара сырыттылар. Төһө да суол – иис ыараханын, тибиилээҕин үрдүнэн олус сэргэх тэрээһини тэрийбит Баҕадьа оскуолатын кэлэктиибигэр (дириэктэр Алексеева М.А.) барҕа махтал буоллун!
“Арылы” – пресс-бөлөх, салайааччы –
Новикова К.Е.
Кэбээйи улууһа, Мукучу. И.Е.Левин
аатынан Танара орто оскуолата.