Хос эһэм туһунан көстүбүт чахчы

1941-1945 сс. буолбут Аҕа дойду Улуу сэриитэ таарыйбатах дьиэ кэргэнэ дин суоҕа буолуо. Сотору кэминэн Улуу Кыайыы 80 сылын бэлиэтиэхпит. Ону кытта Кыайыы туһугар турууласпыт хос эһэлэрбитин, тыылга үлэлээбит хос эбэлэрбитин ахтан-санаан, кэриэстээн ааһыахпыт.

Аҕам Иннокентий Иннокентьевич Шепелев ɵттүнэн хос эһэм Иннокентий Егорович Шепелев Аҕа дойду Улуу сэриитин кыттыылааҕа. Кини Мэҥэ Хаҥалас Мэлдьэхси нэһилиэгин олохтооҕо этэ. Сэриигэ 1943 сыллаахха ыҥырыллыбыт.

2-с Украинскай фроҥҥа 91-с стрелковай полкаҕа, 3-с уонна 4-с Украинскай фроҥҥа 556 артиллерийскай полкаҕа сэриилэспит. 1944 сыллаахха улаханнык бааһыра сылдьыбыт. Онтон 1945 сылтан 556-с полкаҕа командир салайааччытынан сылдьыбыт.

«Хорсунун иһин», «Бойобуой үтүөлэрин иһин», «Германияны Кыайыы иһин» мэтээллэрдээх.

Улуу Кыайыы 80 сылыгар биһиги дьиэ кэргэн хос эһэбит Иннокентий Егорович Шепелев туһунан киһи киэн туттар чахчытын туһунан биллибит https://t.me/keskil_media2020/16327

Хос эһэбит туһунан кэпсиир анал стендэ Арассыыйа Сэбилэниилээх күүстэрин кылаабынай Храмыгар үгүс омук хорсун буойуннарын кытта тэҥ кэккэҕэ турар.

Бу Храм Московскай уобалас Одинцовскай уокуругар Кубинка куоракка баар. Мин онно хайаан да тиийэ сылдьыам, хос эһэбэр анаммыт стендэни көрүөм дии саныыбын.

Иннокентий Егорович мин эһэм Иннокентий Иннокентьевич Шепелев аҕата.

Эһэм кэпсииринэн, хос эһэм сэриигэ кыттыбытын туһунан үгүһү кэпсээбэтэ эбитэ үһү. Кини эйэлээх олоҕу уһансан, үлэлээн-хамсаан, кэргэнинээн Прасковья Сидоровна Лыткинаны кытта оҕо-уруу төрөтөн, үчүгэй олоҕу олорон ааспыт.

Уол оҕо буолан төрөөн, сиргэ кэлбит аналын чиэстээхтик толорбут. Билигин кини олоҕун ыччаттара салҕыыбыт.

Арсен ШЕПЕЛЕВ, VI кылаас, Чакыр орто оскуолата, Амма