Ийэм Мария Николаевна Шепелева өттүнэн хос эһэлэрим Аҕа дойду Улуу сэриитигэр кыттыбыт хорсун буойуннар.
Василий Леонтьевич Александров 1942 сыллаахха бэс ыйыгар Аммаҕа промкомбинакка үлэлии сылдьан, сэриигэ ыҥырыллыбыт. 1038 №-дээх авиа ыскылаакка харабылынан сылдьыбыт. 1943 сылтан 1945 сыл тохсунньу ыйга диэри 102 отделениеҕа автоматчиктар роталарыгар сылдьан сэриилэспит. 1946 сыл тохсунньу, олунньу ыйдарга Улан-Батор куоракка сулууспалыыр. 1946 сыл сайыныгар демобилизацияланар. Германияны, Японияны Кыайыы иһин, Кыайыы 40, 50 сыла үбүлүөйдээх мэтээллэринэн наҕараадаламмыта. «Ветеран Степного 2-го Украинского фронта», «Забайкальского фронта» диэн дастабырыанньалаах.
Николай Давыдович Софронов сэрии саҕаланаатын кытта 1941 сыллаахха атырдьах ыйын 13 күнүгэр ыҥырыллыбыт. Бастаан окуопа хаһыытын үлэтигэр сылдьыбыт. Онтон балаҕан ыйыгар Монголияҕа 6-с ротаҕа, 293 полкаҕа, 57 дивизияҕа сулууспалаабыт. Снайпердар взводтарыгар үөрэммит. 1945 с атырдьах ыйыттан Япония сэриитигэр кыттыбыта.
Балаҕан ыйыгар 1945 сыллаахха дойдутугар эргиллэн кэлбитэ. “Японияны Кыайыы иһин” мэтээлинэн, Аҕа дойду Улуу сэриитэ 1 степеннээх уордьанынан, Кыайыы 40, 50 сыла үбүлүөйдээх мэтээллэринэн наҕараадаламмыт.
Хос эһэлэрим ытык иэстэрин тѳлѳѳн, Аҕа дойдуларын кѳмүскээбиттэрэ. Улуу Кыайыыны уһансыбыт тѳрүттэрбинэн киэн туттабын, махтанабын.
Арсен ШЕПЕЛЕВ, VI кылаас, Чакыр орто оскуолата, Амма