Быйыл быһыыр сулууспа 30 сыллаах юбилейын бэлиэтээтэ. Бу сулууспа ыксаллаах быһыыга майгыга бастакы турар. 30 сыллаах үбүлүөйдээх тэрээһинигэр анал ыҥырыынан Хаптаҕай оскуолатын 9 кылааһын үөрэнээччитэ Егоров Ваня сырытта.
Дьэ тоҕо ыҥырыллыбыта буолуой? Бу маннык түбэлтэттэн. Ваня эбэтигэр, педагогическай улэ ветерана Егорова Алевтина Леонтьевнаҕа дьонун сорудаҕынан баран иһэн көрдөҕүнэ туох эрэ умайа эрэр эбит.
Онно хаһаайын соҕотоҕун уу кута сылдьарын көрбүт уонна онно ыстанан тиийэн баһаары умулларыыга кыттыһан барбыт. Бу Алексеев Кеша уулуссаҕа үксэ саастаах дьон олорор уонна өтөх элбэх. Онон чугаһынан көмөҕө кэлэр да суохха дылы. Ваня бэйэтин кыанар, улэҕэ эриллибит, спортсмен бэрдэ, онон туттуута — хаптыыта түргэн буолан баһаарынай массыына кэлиэр диэри хаһаайынныын балайда умуруорбуттар.
Бу маннык оскуола үөрэнээччитэ ааһа турбакка ыксаллаах быһыыга хорсунун көрдөрбүтүн бэлиэтээн, Саха Өрөспүбүлүүкэтин ыксалаах быһыыга сулууспата улахан үбүлүөйдээх тэрээһинигэр Саха циркатын уораҕайыгар, үөрүүлээх быһыыга – майгыга Россия МПЧ сулууспатын управлениетын Саха сиринээҕи салаатын начальнигын солбуйааччытын Шестаков Михаил илиититтэн Махтал сурук уонна бэлэх тутта.
Ваняны эҕэрдэлиибит уонна дьон кыһалҕатын, итинник нестандартнай, ыксалаах түбэлтэни- баһаары быһа ааспатаххар махтанан, киэн туттан туран үөрэххэр, спортка ситиһиилэри баҕарабыт.
Спиридонова Валя ,
Кустук медиа студия иитиллээччитэ.