Хотугулуу-Илиҥҥи федеральнай үнүбэрситиэт 2021-2022 сылларга дойдуга бастакы, үрдүкү кылаас үөрэнээччилэригэр төрөөбүт тылга федеральнай олимпиаданы ыытыаҕа. Бу туһунан «Саха» НКИК саайта ТАСС ыйылаах иһитиннэрэр.
«Хотугулуу-Илиҥҥи федеральнай үнүбэрситиэт Россия алта үөрэх кыһатыгар ыытыллар төрөөбүт тыл уонна култуура бастакы федеральнай олимпиада модератора буолуоҕа. Биһиги үнүбэрситиэппит тэрээһиҥҥэ сүрүн операторынан кыттыаҕа. 2021-2022 үөрэх сылыгар оскуола үөрэнээччилэригэр Хотугулуу-Илиҥҥи олимпиада сахалар, эбээннэр, эбэҥкилэр, дьүкээгирдэр, башкирдар, татардар, чеченнэр, ненецтэр тылларыгар уонна литератураларыгар олоҕуран ыытыллыаҕа», — диэн суруналыыстарга үрдүк үөрэх кыһатын пресс-сулууспата кэпсээтэ.
Олимпиадаҕа оскуола оҕолоро тылга, култуураҕа уонна литератураҕа билиилэрин тургутуохтара. Сүүмэрдиир түһүмэххэ олимпиада саайтыгар онлайн ньыманан ыытыллыаҕа. Манна 8-11 кылаас үөрэнээччилэрэ кыттыахтара. 3-4 тыһыынча кыттааччы сайаапката киирэрэ сабаҕаланар.
Олимпиада Хотугулуу-Илиҥҥи, Казань, Сибиир, Хотугу (Арктика) федеральнай үнүбэрситиэттэргэ, Башкирскай судаарыстыбаннай уонна Чеченскэй судаарыстыбаннай педагогическай үнүбэрситиэттэргэ олимпиада ыытылларын пресс-сулууспаҕа чуолкайдаатылар.