Билии күнүгэр М.К. Аммосов аатынан ХИФУ иһинэн саҥа арыллыбыт байыаннай үөрэх киинигэр 36 курсант үөрэнэ киирдэ. Устудьуоннар начаалынай байыаннай бэлэмнэниини ааһыахтара.
2021 с. РФ Бырабыыталыстыбата байыаннай үөрэх кииннэрэ тэриллэр үөрэх кыһаларын испииһэгин бигэргэппитэ. Онно дойду 93 үрдүк үөрэҕин кыһата киирбитэ, олор истэригэр М.К. Аммосов аатынан ХИФУ киирбитэ.
Байыаннай кииҥҥэ бакалавриат уонна специалитет хайысхатын устудьуоннарын сүүмэрдииллэр. Байыаннай бэлэмнэнии болдьоҕо — 2 сыл.
Онтон бу дьыл алтынньы-ахсынньы ыйдарыгар эбии 72 устудьуону үөрэххэ ылыахтара. Барыта 108 курсант байыаннай бэлэмнэнэниини ааһыахтаах.
Санатан этэр эбит буоллахха, ХИФУ иһинэн саҥа арыллыбыт байыаннай үөрэх киинин РФ оборона Министиэристибэтин Коллегиятын уонна миниистир Сергей Шойгу тус өйөбүлүнэн үлэҕэ киирбитэ.
Устудьуоннарга саҥа үөрэх дьылыгар ситиһиилэри баҕарабыт!
keskil14.ru