Ньурба оройуонун Мэҥэдьэк нэһилиэгэр бу күннэргэ Хатыы орто оскуолатыгар өр сыл физическэй култуура учууталынан үлэлээбит, спорт уонна физическэй култуураҕа оҕо-аймаҕы, ыччаты уһуйааччы, оҕо иитиигэр бэйэтин кылаатын киллэрбит, спорт бэтэрээнэ, Саха Өрөспүүбүлүкэтин физическай култуураҕа туйгуна, Саха Өрөспүүбүлүкэтин учууталлар Учууталлара Василий Егорович Дмитриев 75 сааһыгар аналлаах улуустааҕы хайыһар күрэҕэ буолан ааста.
Улахан тэрээһиҥҥэ Ньурба улууһун уон үс оскуолата кыттыыны ылла. Кыттааччылар 2004-2005 сс., 2006-2007 сс., 2008-2009 сс. төрүөх оҕолор барыта холбоон 105 кыттааччы эрбии тииһинии эристилэр.
Күүстээх киирсии кэнниттэн 2004-2005 сыллаах төрүөх кыргыттарга бастакы миэстэни Ньурба № 1 оскуолатын үөрэнээччитэ Людмила Иванова (бириэмэтэ — 11:41 сөк.) эрэллээхтик 1 миэстэни ылла. Иккис миэстэни ыаллыы сытар Маалыкай орто оскуолатын үөрэнээччитэ Лидия Аржакова (бириэмэтэ — 12:43 сөк.), үһүс миэстэни Күндээдэ орто оскуолатыттан Юлианна Ананиева (бириэмэтэ —16:06 сөк.) ылан үөрдүлэр.
2004-2005 сс. төрүөх уолаттарга: 1 миэстэни эрэллээхтик Антоновка оскуолатын үөрэнээччитэ Алексей Архипов (бириэмэтэ — 08:51 сөк.) ылла, 2 миэстэни Чуукаар орто оскуолатын бэрэстэбиитэлэ Владимир Николаев (бириэмэтэ —10:20 сөк.), 3 миэстэни Хатыы орто оскуолатын үөрэнээччитэ Гаврил Семенов (бириэмэтэ —10:29 сөк.) ыллылар.
2006-2007 сс. кыргыттарга кыайыылаахтар миэстэлэрэ: 1 миэстэни Чуукаар орто оскуолатын үөрэнээччитэ Вилена Николаева (бириэмэтэ — 15:28 сөк.) ылла, 2 миэстэҕэ Марха орто оскуолатыттан Валерия Иванова таҕыста (бириэмэтэ —15:47 сөк.), 3 миэстэни Сүлэ орто оскуолатын үөрэнээччитэ Милена Петрова (бириэмэтэ —17:09 сөк.) ылла. Бу сыллааҕы уолаттарга бириистээх миэстэлэргэ: 1 м. — Михаил Харбанов, Антоновка оскуолата (бириэмэтэ — 08:52 сөк.), 2 м. — Вадим Григорьев, Марха оскуолата (бириэмэтэ — 09:31 сөк.), 3 м. — Михаил Семенов, Хатыы орто оскуолата (бириэмэтэ —12:36 сөк.) тигистилэр.
2008-2009 сс кыргыттарга: 1 миэстэни Антоновка оскуолатыттан Марина Петрова эрэллээхтик ылла (бириэмэтэ — 07:03 сөк.), 2 миэстэҕэ Ньурба 2 №-дээх оскуолатыттан Ксения Ядреева (бириэмэтэ — 07:59 сөк.) тигистэ, 3 миэстэни Ньурба № 1-дээх оскуолатын үөрэнээччитэ Ульяна Тихонова (бириэмэтэ — 08:10 сөк.) ылла.
Онтон уолаттарга 1 миэстэни Антоновка орто оскуолатын үөрэнээччитэ Семир Колесов (бириэмэтэ — 09:13 сөк.) ылары ситистэ, 2 миэстэҕэ Малдьаҕар орто оскуолатын үөрэнээччитэ Егор Саввинов тигистэ (бириэмэтэ —12:56 сөк.), 3 миэстэни Арсен Алексеев ылла (бириэмэтэ —13:04 сөк.).
Хамаанданан күрэххэ бириистээх миэстэлэр оскуолаларынан маннык буолла: 1 миэстэ — Антоновка орто оскуолата, 2 миэстэ — Хатыы орто оскуолата, 3 миэстэ — Марха орто оскуолата.
Кыайыылаахтары өссө төгүл эҕэрдэлиибит!
Бэрт сэргэх тэрээһинтэн кыттааччылар, көрөөччүлэр үөрэн-көтөн тарҕастылар.
Оҕону иитиигэ, успуорду өрө тутан олоҕун аргыһа оҥостубут чөл куттаах убаастыыр учууталбытынан Василий Егоровиһынан киэн туттабыт, киниэхэ махтал тылларын аныыбыт. Чэгиэн сырыт, уһун үйэлэн!
Гаврил СЕМЕНОВ,
Хатыы орто оскуолатын 10 кылааһын үөрэнээччитэ,
«Чуораанчык» юнкорпост кэрэспэдьиэнэ.