Алтынньы 20 күнүгэр Хаптаҕай нэһилиэгэр спецоперацияҕа сылдьар биир дойдулаахтарбытыгар «Биир санаанан — биир сомоҕо» диэн аахсыйаны ыытылынна. Оскуола үөрэнээччилэрэ, учууталлара көхтөөх кыттыыны ыллылар.
Акция аһыллыытын үҥкүү кэлэктиибэ киэргэттэ. Баһылык И. П. Зыков тыл эттэ. Бу күн алын кылаастарга «Мама, папа, я – спортивная семья» күрэх, орто уонна үрдүкү кылаастарга брейн-ринг буолан аастылар. Күрэххэ Зыковтар дьиэ кэргэн — бастакы, Ефремовтар — иккис, Кычкиннар — үһүс миэстэлэри ыллылар. «Брейн-ринг» күрэххэ орто сүһүөххэ — 8 кылаас, улахаттарга -11 кылаас бастаатылар.
Оскуолабыт үөрэнээччилэрэ төрөппүттэрин кытта ас астаан, атыылаан, аахсыйаҕа кылааттарын киллэрдилэр. Нэһилиэкпит түөлбэлэрэ дьаарбанка тэрийэн үп-харчы киллэрдилэр. Ону таһынан, көмө ууруната үлэлээтэ. Ийэлэр түмсүүлэрин көҕүлээһининэн, «Күбэйэ» түмсүү аптечкатын тигэн туттардылар.
Оскуола үөрэнээччилэрэ саллаакка сурук суруйан уонна уруһуйдаан ыыттылар. Аахсыйаҕа нэһилиэк олохтоохторо бары көхтөөхтүк кытыннылар. Бары биир санаанан спецоперацияҕа кыттар биир дойдулаахтарбытыгар көмө аахсыйа эдэр көлүөнэҕэ үтүө санаа холобура буолла.
Валя Спиридонова, «Кустук» медиастудия, Хаптаҕай оскуолата.