Хаптаҕай орто оскуолатын учууталлара Ааҕыы сылын чэрчитинэн үөрэнээччилэргэ ааҕыы эйгэтин тэрийэр сыаллаах «Кэскил» хаһыакка, «Юность Севера: arctic ideas», «Чуораанчык» сурунаалларга сурутууну көҕүлээн «Оҕоҕо сурутууну бэлэхтээ» аахсыйаны ыыттылар.
Нэһилиэк тэрилтэлэрэ, уопсастыбаннай түмсүүлэр ким да туора турбакка аахсыйаҕа кытыннылар. Бу сурутуулар оҕо ааҕыытыгар интэриэһи үөскэтиэхтэрэ уонна төһүү күүс буолуохтара диэн эрэллээхпит.
Хаптаҕай орто оскуолатын пресс-киинэ.