Бу күннэргэ биһиги оскуолабыт спортсменнара үгүс ситиһиилэннилэр. Ол курдук мадьыныларбыт 9 оҕо буолан улуустааҕы аһаҕас турнирга кыттан, 7 оҕо миэстэлэстэ. Уопсайа 83 эдэр мадьыны кыттыбыт. V кылааc үөрэнээччилэрэ Айсен Касимов бастакы, Дьулус Максимов иккис, Манчаары Варламов үһүс миэстэ буолуллар. Онтон IX кылаас үөрэнээччилэрэ Галя Анемподистова кыргыттарга бастакы, Антон Мордускин иккис миэстэни ыллылар. XI кылаас үөрэнээччитэ Максим Собакин бастакы, Х кылаас үөрэнээччилэрэ Вова Герасимов иккис, Саша Ксенофонтов, үһүс миэстэни мүлчү тутан, төрдүс миэстэ буоллулар. Күрэхтэһии анал бирииһэ «Суолдьут» маҕаһыынтан 6000 солк. сертификат оонньонно. Ону тарбаҕар бааттаах чемпион биһиги уолбут Айсен Касимов сүүйдэ. Уолаттар тренердэрэ Леонид Николаевич Николаев.
2007-2008 сс. төрүөх 18 саастарыгар диэри оҕолорго чэпчэки атлетикаҕа өрөспүүбүлүкэтээҕи турнир Дьокуускай куоракка сэтинньи 15-16 күннэригэр буолан ааста.
Биһиги сүүрүкпүт Айтал Григорьев 3000 миэтэрэҕэ чемпион үрдүк аатын ылла. Кини быйыл норуоттар икки ардыларынааҕы «Азия оҕолоро» оонньууларга төрдүс миэстэ буолары ситиспитэ. Тренерэ Реворий Михайлович Елисеев.
Ити курдук Хадаар эдэр спортсменнара саҥа сезону ситиһиилээхтик арыйдылар. Кыайыылар кэлэ турдуннар!
Алена КСЕНОФОНТОВА, VIII кылаас,
С.Д. Флегонтов аатынан Хадаар орто оскуолата, Чурапчы