С.А. Новгородов аатынан Чурапчы орто оскуолатыгар Ийэ тыл уонна сурук-бичик күнүгэр анаммыт араас дьаһаллар ыытылынылар. Олортон биирдэстэрэ кылаастар икки ардыларыгар өбүгэ оонньууларыгар хабылык, хаамыска көрүҥнэригэр дьиэ кэргэнинэн күрэх буолла.
Хамаандаҕа биир төрөппүт уонна биир оҕо киирэр. Күрэхтэһиигэ физкультура учууталлара судьуйалаатылар. Оскуолабытыгар барыта 50 комплект кылаас баарыттан, кылаастар бары кэриэтэ кытыннылар. Бу тэрээһин оскуолабытыгар аан бастаан ыытыллар буолан оҕолуун, төрөппүттэрдиин бары да сэҥээрдибит, сөбүлээтибит. Хаамыска, хабылык тула түмүстүбүт. Хас кылаас аайы 1, 2, 3 миэстэлэр таҕыстылар. Кыттааччыларга барыларыгар өйдөбүнньүк бириистэр туттарылыннылар.
Күрэхтэһиибитин спорт маастара, Чурапчы улууһун хаамыскаҕа, хабылыкка федерациятын чилиэнэ Андрей Васильевич Деллохов киэргэттэ.
Кини сымса хамсаныыларын киһи эрэ көрүөх курдук. Күрэх түмүгүнэн бэрт элбэх ыал салгыы өбүгэлэрбит толкуйдаан таһаарбыт оонньууларын дьиэ кэргэнинэн киэһэ ахсын оонньуохтарын сөбүн, оҕо интэриэһин тардарын бэлиэтээтилэр. Онон сахабыт төрүт оонньуута хас биирдии ыалга киириэ диэн эрэллээхпит.
Ханнык баҕар омук, бэйэлэрин төрүт оонньууларын, тылларын өрө тутар буоллахтарына, норуот быһыытынан убаастатыахпыт, биһигини сахалары атын сиргэ киэҥник билэр буолуохтара. Саха буоларбытынан киэн туттабыт!
Юля МАКСИМОВА, 6 «в» кылаас,
Сайаана СОРОКОУМОВА, 9 «в» кылаас,
С.А. Новгородов аатынан Чурапчы орто оскуолата.