Балаҕан ыйын 21 күнүгэр Өймөкөөн нэһилиэгэр үгэскэ кубулуйбут «Кросс нации» күнүн Өймөкөөн орто оскуолатын оҕолоро уонна нэһилиэк олохтоохторо бэлиэтээбиттэрэ.
«Кросс нации» 1903 с. Шотландия Гамильтон куоратыгар аан бастаан ыытыллыбыт эбит. Онно английскай стаер Альфред Шрабб кыайыылааҕынан тахсыбыт эбит.
«Кросс нации» буолар күнүгэр сарсыардаттан хаар-тыал аргыстаах күн буолла. Ону ол диэбэккэ, оҕолор оскуолаҕа мустубуттара. Маршруту физкультура учуутала Ольга Васильевна Борисова билиһиннэрбитэ. Оскуола таһыттан саҕалаан, бөһүөлэги барытын эргийэн төттөрү кэлиэхтээх этибит. Уопсайа барыта 3 км буолуохтааҕа. Кыраларга кылгас маршрут этэ. Күн-дьыл тымныытын улахаҥҥа уурбакка, оҕолорбут сүүрэн кэлэн маннык түмүк таҕыста.
Алын сүһүөх кылаастар:
III миэстэ — Артём Оконешников, IV кылаас, Янита Старкова, II кылаас. II миэстэ Данил Платонов, IV кылаас, Юлиана Андреева, IV кылаас. I миэстэ, Герман Готовцев, II кылаас, Арина Оконешникова, II кылаас.
Орто сүһүөх кылаастарга — I миэстэ Саян Сивцев, V кылаас, II миэстэ Олег Соломов, VI кылаас, III миэстэ Миша Сутаков, VI кылаас. III миэстэ Данил Колесов, VIII кылаас, Дарина Шпнева, VI кылаас, II миэстэ Денис Винокуров, VIII кылаас, Нарыйа Корякина, VI кылаас, I миэстэ Толя Атласов, VIII кылаас, Влада Винокурова, VII кылаас.
Улахан оҕолорго III миэстэни Айтал Сивцев, IX кылаас, II миэстэ Давид Канаев, IX кылаас, I миэстэ Бексей Булдаков ыллылар.
Улахан дьоҥҥо I миэстэ олохтоох дьаһалтаттан С.С. Степанова, II миэстэ нэһилиэк балыыһатыттан А.Н.Готовцева, III миэстэ орто оскуолаттан Н.И. Аммосова, Н.И. Платонова буоллулар.
Тымныыны тымныы диэбэккэ, сүүрүүгэ кыттыбыт хоһуун сүүрүктэрбитигэр кытаанах доруобуйаны, уҕараабат эрчими, үрдүк ситиһиилэри баҕарабыт.
Давид Канаев,
Н.О. Кривошапкин аатынан Өймөкөөн орто оскуолатын IX кылааһын үөрэнээччитэ.
keskil14.ru