Хаҥалас Покровскайыгар «Култуура» национальнай бырайыак чэрчитинэн саҥардыллыбыт киин библиотеканы арыйдылар.
«Бастакы этээскэ сынньанар сир, кофейня, конференц-саала, оҕо билблиотеката баар. Иккискэ — коворкинг-киин, компьютернай уонна ааҕар саалалар. Маны таһынан библиотекаҕа пандус турда», — диэн СӨ култууратын министиэристибэтэ иһитиннэрдэ.
Эрдэ библиотека «Култуура эйгэтэ» диэн грант ылар иһин күрэххэ кыайан, ааҕар дьиэни саҥардыыга 10 мөлүйүөн кэриҥэ солкуобайы ылбыта.