Саха Өрөспүүбүлүкэтин Бырабыыталыстыбатын 2025 сыллааҕы отчуотун чэрчитинэн олунньу 25 күнүгэр Хаҥалас улууһун Өктөм нэһилиэгэр СӨ архитектура уонна куорат тутуутун Управлениятын салайааччыта Папок Любовь Александровна салайааччылаах оробуочай бөлөх сырытта.
Өктөм нэһилиэгэр мунньах олунньу 25 күнүгэр Арктикатааҕы государственнай агротехнологическай университет Өктөмнөөҕү филиалын аактабай саалатыгар ыытылынна. Саалаҕа тобус-толору дьон муһунна. Улууспут баһылыга Сергей Геннадьевич Гребнев мунньах чилиэттэрин кытта билиһиннэрдэ.
Ол курдук, Аҕа дойдуну көмүскээччилэр сылынан анал байыаннай дьайыы кыттыылаахтарыгар уонна кинилэр дьиэ кэргэттэригэр, элбэх оҕолоох ыалларга, дьиэ-уот, коммунаалынай хаһаайыстыба, оҕо харыстабылыгар, үөрэх, доруобуйа, экономика уонна экология хайысхаларыгар туох сүҥкэн үлэлэр ыытыллыбыттарын сырдатта, өйдөнүмтүө буоларын курдук күөх экраҥҥа инфографика быһыытынан барытын көрдөрдүлэр.
Отчуот кэннэ нэһилиэнньэттэн араас ыйытык киирдэ. Нэһилиэнньэ олохтоохторун кытта көрсүһүү дьиҥ ис хоһоонноох буолла. Олохтоохтор чопчу долгутар ыйытыылара бэрилиннилэр уонна онно хоруйдары ыллылар, иһиттилэр.
Нэһилиэнньэ биир сүрүн туруорсар боппуруостарынан Өктөмҥө спортивнай саала уонна нэһилиэк сынньанар киин тутуутун туһунан буолла. 2000-тан тахса киһилээх нэһилиэккэ биир тирээн турар суолталаах кыһалҕанан спортивнай саала, сынньанар кулууп суоҕа буолар. Көхтөөхтүк сынньанарга, культурнай сынньанар дьиэ, спортивнай саала суоҕа, нэһилиэнньэ олоҕун хаачыстыбатыгар куһаҕан сабыдыалы үөскэтэр, олох сайдыытын харгыстыыр.
Маны таһынан, олохтоохтор тыа хаһаайыстыбатын сайыннарыы уонна өйөөһүн программаларын, Чаппай нэһилиэгигэр оҕо уһуйаанын дьиэтин туттарыытын, заправка туһунан ыйытыылары биэрдилэр. Кырдьык, нэһилиэнньэни долгутар боппуруос элбэх буолла.
Олохтоохтортон киирбит бары ыйытыылары, миниистир уонна салайар бөлөх чилиэннэрэ тус хонтуруолга ыллылар.
Мустубут дьон бары ыйытыктарыгар толору хоруйдары ылан, мунньах олус сэргэхтик ааспытын сыаналаатылар. Маннык дьаһаллар нэһилиэнньэни кытта ситими бөҕөргөтөллөр, кыһалҕалары быһаарарга көмөлөһөллөр.
Карина БАТЮШКИНА,VIII кылаас
«Куйаар долгуна» медиа киин
П.И.Шадрин аатынан Өктөм орто оскуолата