Олунньу 19 күнүгэр Хаҥалас улууһугар Башкортостан республикатын делегацията кэлэн ыалдьыттаан барда. Делегация сүрүннээн полилингвальнай уонна этнокультурнай үөрэхтээһиҥҥэ уопут атастаһа, саҥаны билэ – көрө кэлбит.
Ол курдук, делегация П.И. Шадрина аатынан Өктөм орто оскуолатыгар сырытта. Оскуола директора К.Ф. Афанасьева оскуола историятын билиһиннэрдэ, оскуола музейыгар сырытыннарда. Учууталлар төрөөбут тылы үөрэтиигэ, бэйэлэрин уопуттарын төрүт культураҕа сыһыаннаах тэрээһиннэри ыытыы туһунан кэпсээтилэр. Ыалдьыттарга оскуола үорэнээччилэрэ «Дьорҕостой Бэргэн» олоҥхону көрдөрдүлэр.
Ыраахтан кэлбит ыалдьыттар Хаҥалас улууһугар, республикаҕа төрөөбүт тылга улахан болҕомто уурулларын бэлиэтээтилэр, олус сэргээтилэр. Бэйэлэригэр оҕону иитиигэ элбэх саҥаны, кэскиллээҕи ылыммыттарын эттилэр.
Онон, бу икки республика икки ардыгар төрүт үөрэхтээһин, оҕону эйгэтигэр иитии, доҕордуу истиҥ сыһыан олохтонно диэхпитин сөп.
Дайаана БОЛТУНОВА, XI кылаас, юнкор пост «Куйаар Долгуна»,
П. И. Шадрин аатынан Өктөм орто оскуолата, Хаҥалас улууһа