Ньурба оройуонугар бу күннэргэ оскуола оҕолоругар спортивнай күрэхтэһиилэр буола тураллар.
Ааспыт суббуотаҕа волейбол оонньуутугар тыҥааһыннаах күрэхтэһиилэр буолан аастылар. Ол курдук биһиги, Хаҥалас орто оскуолатын кыргыттарын хамаандата, Чаппанда оскуолатын сабыс-саҥа саалатыгар волейболга оонньооммут 1 бочуоттаах миэстэни ылары ситистибит. Күннэтэ дьарыктаммыт уонна күүспүтүн-уохпутун, санаабытын уурбут буолан бу маннык түмүк кэллэ.
Уолаттарбыт Дьаархан оскуолатын баазатыгар оонньооннор, 3 миэстэҕэ таҕыстылар. Бу эмиэ үчүгэй ситиһии буолар. Биһиги оскуолабытыгар киэһээтин, быыс буллубут, даҕаны волейбол оонньуурбутун сөбүлүүбүт. Бу оонньуу биһигини өссө күүскэ түмэр, сомоҕолуур.
Марина Васильева, «Ыллык» эдкорпост Хаҥалас, Ньурба.