Уһук Хоту Усуйаана улууһугар Хаһааччыйа орто оскуолатыгар кыргыттарга аналлаах нэдиэлэ түмүктэннэ.
Көрдөөх- нардаах, булугас өйдөөх, уран тарбахтаах, айар дьоҕурдаах VIII-XI кылаас кэрэ куоларыгар анаммыт күрэхтэһиилэри «Детская республика «Пульс» лидер оҕолоро уонна педагог- организатор Васирита Васильевна Аммосова тэрийэн ыыттылар.
Күрэхтэһии араас таһымнаах көрүҥэр кыргыттар бары олус көхтөөхтүк кытыннылар.
Дьүүллүүр сүбэҕэ Лебедев Александр, XI кылаас, Горохов Петр, IX кылаас, Слепцов Семен, X кылаас, музыкальнай үлэһит Николай Петрович Дмитрьев, «Дьааҥы кэскилэ» юнармия этэрээтин салайааччыта Уйгулан Нюргустанович Аммосов үлэлээтилэр.
Көрдөөх- нардаах, көхтөөх күрэх түмүгэр ахсыстар «Самые современные», тохсустар «Самые творческие», онустар «Лучший проект года», уон бииристэр «Самые эрудированные» анал аат кыайыылаахтара буолан, сыаналаах бирииһинэн, сертификатынан наҕараадаланнылар.
Ксения Дмитриева, XI кылаас «Дьааҥы кыымнара» эдкорпост