Гриан Сидоров — Бэрдьигэстээх гимназиятын тохсус кылааһын көхтөөх уонна билиигэ тардыһыылаах үөрэнээччитэ. «Наукаҕа кыра сааспыттан умсугуйуубар аҕам оруола улахан», — диэн кини этэр.
Гриан аҕата Григорий Григорьевич Сидоров, история учуутала буолан, кыра эрдэҕиттэн кинини кинигэ, остуоруйа уонна кэпсээн эйгэтигэр сыһыарбыта. Уол кыра сырыттаҕына, аҕата аан дойду историятын туһунан араас историяларын кэпсээн, кинигэлэрин атыылаһан бэлэхтиирэ. Ол түмүгэр эдэр уол умсулҕаннаах наука эйгэтигэр тардыһыыта сыыйа күүһүрэн испитэ.
Кини кыра эрдэҕиттэн билэрэ-көрөрө элбэх уонна үөрэххэ тардыһыылаах, билиҥҥи ситиһиилэрэ барыта үөрдэр уонна дьиктиргэтэр. Ол курдук, араас олимпиадаларга, «Инникигэ хардыы» конференцияҕа, НПК-ларга ситиһиилээхтик кыттара уонна үөрэҕэр үчүгэй сыанабылы ыллаҕын аайы, Гриан бэйэтин кыаҕар итэҕэйэрэ өссө улаатар.
Быйыл тохсунньуга буолбут В.П. Ларионов аатынан «Инникигэ хардыы» научнай-чинчийэр кэмпириэнсийэҕэ омук тылынан ааҕыллар түһүмэҕэр кыттан, иккис миэстэни ылбыта.
Наука эйгэтин таһынан, Гриан компьютернай оонньууларынан интэриэһиргиир, ол курдук стратегияны эрэйэр, головоломкалары таайара, кини айар дьоҕурун сайыннарар уонна толкуйдуур дьоҕурун эбии эрчийэр. Кини уол оҕо буоларын быһыытынан, успуорка эмиэ интэриэстээх, ол эрээри наука кини дууһатыгар ордук чугас.
— Эн кыра бэйэҕэр туох сүбэни биэриэҥ этэй?
— Кыра сааспыттан бэйэбэр элбэх омук тылын үөрэтээр диэн сүбэлиэм этэ. Билигин олус наада буолуо этэ дии саныыбын.
— Билигин наука суолугар саҥа үктэнэн эрээр үөрэнээччилэргэ туох сүбэни биэриэҥ этэй?
— Омук тылын үөрэтиҥ, ол атын дойду дьонннорун кытта сибээһи кэҥэтэргэ, аан дойду билиитин туһанарга, саҥатык толкуйдуурга көмөлөһөр.
Кэпсэттэ Карина СИВЦЕВА,
Ф.Г. Охлопков аатынан Майа орто оскуолатын 8 кылааһын үөрэнээччитэ.
«Кэскил» оҕо пресс-киинин эдкора.