Ахсынньы 13 күнүгэр Степан Кузьмич Макаров аатынан Чурапчы гимназиятын 30 сыллаах үбүлүөйдээх дьоро күнэ ситиһиилээхтик ааста.
Сарсыарда ыалдьыттарбытын киирэр ааҥҥа уруйдаан-айхаллаан көрсүбүппүт. Гимназиябыт устун 10-с, 11-с кылаас оҕолоро экскурсия оҥордулар.
Ол кэнниттэн, үөрүүлээх линейка ыытыллыбыта. Выпускниктар үөрэн-көтөн сэлэлээн хааман киирдилэр. Алтыс кылаас оҕолоро тииҥчээн буолан киирэн, биһиэхэ наһаа үчүгэйдик үҥкүүлээн көрдөрдүлэр. «Дьиэрэҥкэй» үҥкүү ансаамбыла, сэттис кылаастар, дьиэрэҥкэйи олус астыктык үҥкүүлээтилэр.
Онтон гимназиябыт бэтэрээн учууталлара сыанаҕа тахсан бука барыбытын истиҥник эҕэрдэлээтилэр. Выпускниктар эҕэрдэ тылларын этэн, учууталларыгар махталларын биллэрдилэр.
Үөрүүлээх линиэйкэ бүтүүтүгэр учууталларбыт биһиэхэ наһаа астык флешмоб-үҥкүүнү бэлэхтээтилэр.
Гимназиябыт үбүлүөйдээх тэрээһинэ үчүгэй баҕайытык ааста. Ол туоһута медиа-киин юнкора Валерия Степанова хаартыскаҕа түһэриитин бу сигэнэн киирэн көрүҥ, сэргээҥ https://vk.com/album-199463452_309423241
Катя МОНАСТЫРЕВА, VIII кылаас
Валерия Степанова хаартыскаҕа түһэриитэ, IX кылаас
«Тумус кыһа» медиа-киин, С.К. Макаров аатынан Чурапчы гимназията