С.К. Макаров аатынан Чурапчы гимназиятыгар сылын ахсын ыытыллар “Туйгун Уолан” уонна ”Кэрэ Куо” куонкурустар буоллулар. Быйыл бу икки күрэх тэҥҥэ ыытылынна.
Хас биирдии кылаас кыттааччыларыгар күүс-көмө буолла, былакааттан саҕалаан, түмүккэ бэлэх туттаралларыгар тиийэ олус үчүгэйдик бэлэмнэнэн кэлбиттэр. Кылаас түмсүүлээҕин көрөр наһаа астык.
Кыттааччылар “Өркөн өй”, “Бэйэни билиһиннэрии”, “Талаан”, “Дефиле” түһүмэхтэргэ бэйэлэрин көрдөрдүлэр. Уолаттар байыаннай, спортивнай көрүҥнэргэ күөн көрүстүлэр.
Долгутулаах, кэтэһиилээх чаас үүнэн, кыайыылаахтар ааттарын биллибит.
“Үрүҥ Уолан-2024” (V-VII кылаас уолаттарга)
“Үрүҥ Уолан” – Гриша Логинов, VI “Б” кылаас
“Талба Талаан” – Игорь Слепцов,V “А” кылаас
“Кэскил” – Айаал Матвеев, V “Б” кылаас
“Сайдам” – Барашков Яша, VI “А” кылаас
“Чаҕыл” – Никита Платонов, VII “А” кылаас
“Дуолан” – Саша Григорьев, VII “Б” кылаас
“Туйгун Уолан-2024” (VIII-XI кылаас уолаттара)
“Туйгун Уолан” – Ваня Попов, XI “Б”
“Бэргэн” – Айдын Петров, VIII “А”
“Өркөн өй” – Коля Седалищев, VIII “Б”
“Дьулуур” – Денис Жендринскэй, IX “А”
“Сымса Боотур” – Павел Попов, IX “Б”
“Эркин” – Коля Павлов, X “А”
“Эр Хоһуун” – Коля Игнатьев, X “Б”
“Кэрэчээнэ Куо – 2024” (5-7 кылаас кыргыттара)
“Кэрэчээнэ Куо” – Гея Капрынова, VII “Б”
“Кэскилээнэ Куо” – Карина Листикова, V “А”
“Күлүмчээнэ Куо” – Күннэй Степанова, V “Б”
“Мичийэ Куо” – Галя Заровняева, VI “А”
“Сааскылаана Куо – Саина Захарова “, VI “Б”
“Нарыйаана Куо” – София Гоголева, VII “А”
“Кэрэ Куо – 2024” (VIII-XI кылаас кыргыттара)
“Кэрэ Куо” – Кристина Неустроева, IX “А”
“Тускулаана Куо” – Альмира Романова, VIII “А”
“Айталыына Куо” – Айгылана Богдокумова, VIII “Б”
“Сандаара Куо” – Кристина Куличкина, IX “Б”
“Чэмэлиинэ Куо” – Сардаана Васильева, X “А”
“Туйгууна Куо” – Сандаара Саввина, X “Б”
“Намылы Куо” – Карина Иванова, X “В”
“Кыталык Куо” – Юля Анемподистова, XI “А”
“Уран Куо” – Юля Тимофеева, XI “Б”
Куонкурус кэнниттэн кыайыылаахтары көрсөн кэпсэттим.
Кристина Неустроева, “Кэрэ Куо-2024” куонкурус кыайыылааҕа, IX кылаас үөрэнээччитэ:
– Бастатан туран, барыгытыгар ис-сүрэхпиттэн махтанабын. Маннык тэрээһиҥҥэ бастыкыбын кыттар буоламмын олус долгуйбутум. “Кэрэ Куо-2024” кыайыылаҕа буолбуппуттан үөрдүм. Бииргэ күрэхтэспит кыргыттарым бары наһаа кэрэлэр, талааннаахтар. Кинилэргэ эмиэ истиҥ эҕэрдэбин тиэрдэбин.
Бу кыайыыбар миэхэ ийэм, аймахтарым, учууталым Александра Апрельевна, дьүөгэлэрим, бииргэ үөрэнэр оҕолорум улаханнык көмөлөстүлэр. Кинилэр өйөөннөр, күүс-көмө буоланнар эрэллээхтик күрэхтэстим дии саныыбын.
Биһиги оскуолабыт маннык куонукурустары ыытара хайҕаллаах. Оҕо кыра да, улахан да буоллун, сыанаҕа тахса үөрэнэр, дьон иннигэр сатаан бэйэтин билиһиннэрэр, кыыс оҕо сиэринэн сөптөөхтүк туттарга-хаптарга, ыраастык саҥарарга үөрэнэр. Саамай улахан наадалаах өрүтэ итиннэ сытар дии саныыбн. Кыргыттар куонкурустара диэн маанытык таҥнан эрэ баран бэйэҕин көрдөрөр буолбатах. Өй-санаа өттүнэн оҕону сайыннарар, сиэрдээх-майгылаах буоларга үөрэтэр. Куонкуруска ситиһиим тус бэйэм эрэ ситиһиим дии санаабаппын. Бу хамаанда үлэтэ диэн этиэхпин баҕарабын. Ол иһин миигин өйөөбүт дьоммор ис сүрэхпиттэн махтанабын.
Биһиги Кристинабыт салгыы “Кэрэчээнэ Куо-2024” улуустааҕы күрэххэ гимназиябыт чиэһин көмүскүөҕэ. Учууталлар, үөрэнээччилэр ааттарыттан киниэхэ үрдүк ситиһиини баҕарабыт.
Ваня Попов, “Туйгун Уолан-2024” күрэх кыайыылааҕа, XI кылаас үөрэнээччитэ:
– Мин эрдэ сыанаҕа тахсыбатах буоламмын, бу күрэххэ олус долгуйдум. Миэхэ саҥа сүүрээн буолан, күүскэ бэлэмнэммитим. “Талааны көрдөрүү” түһүмэххэ ордук ыарырҕаппытым.
Ол да буоллар улахан сырабын уурбутум халтайга ааспата, “Туйгун Уолан-2024” үрдүк ааты ыллым. Биллэрбиттэригэр олус соһуйдум, долгуйдум. Миигин кытта тэҥҥэ бу суолу ааспыт учууталбар Кыдана Михайловнаҕа, төрөппүттэрбэр уонна кылааһым оҕолоругар олус күүскэ махтаныахпын баҕарабын.
Бу тэрээһиҥҥэ оҕо бэйэтин атын өттүнэн арыйар, талаана, дьоҕура барыта тахсар. Онон оҕо биир таһым сайдар, үөрүйэх ылар.
Арина СОТНИКОВА, X кылаас, “Тумус кыһа” пресс-киин,
С.К. Макаров аатынан Чурапчы гимназията
Ааптар хаартыскаҕа түһэриитэ