Сэтинньи 8 күнүгэр Таатта улууһун Э.К. Пекарскай аатынан Игидэй орто оскуолатыгар олус элбэх оҕо тоҕуоруста.
Бойтунова Альбина Васильевна, физика учууталын салайыытынан, 16 төгүлүн «Политехническай марафон» диэн күрэс тэриллэн ыытылынна.
Барыта биэс предмеккэ: черчение, физика, математика , химия, информатика сорудахтарын оҕолор хамаандаҕа арахсан, хас биирдии предмет сорудаҕын 10 мүн. устата оҥордулар. Дьүүллүүр сүбэ үлэни тута бэрэбиэркэлиир. Оҕолор сүрдээҕин боччумуран олорон, үлэни толороллор.
Элбэх предмет биир күрэскэ алтыһыыта, оҕо өйүн-санаатын, дьоҕурун сайыннарарга олук уурар. ФГҮӨС аныгылыы үөрэх системэтин ирдэбилин тутуһан, киэҥ далааһыннаах күрэс интэриэһи үрдүктүк тардар.
Барыта 8 оскуолаттан 60-н тахса оҕо кыттыыны ылла. Хайа бэлэмнээх хамаанда кыайыы өрөгөйүн билиэҕэ.
Варвара Ефимова, «Туллук» медиа-оскуола салайааччыта.
keskil14.ru