Бүгүн, муус устар 4 күнүгэр саха норуотун уһулуччулаах салайаачыта, судаарыстыбаннай деятель, ССКП Саха сирин уобаластааҕы кэмитиэтин бастакы сэкирэтээрэ Гавриил Иосифович Чиряев төрөөбүтэ 100 сыла.
Гавриил Иосифович салайар сылларыгар өрөспүүбүлүкэ социальнай-экономическай сайдыыта саҥа түһүмэххэ тахсыбыта, норуот хаһаайыстыбатын бары салааларын сайыннарыыга улахан хамсааһын ыытыллыбыта. Өрөспүүбүлүкэ социальнай-экономическай, общественнай-политическай олоҕун сайыннарыыга бэйэтин ахсаабат кыһамньытын уурарын таһынан, кини өссө үөрэх, наука, литература, искусство сайдарыгар эмиэ улахан кылаатын киллэрбитэ.
Г.И. Чиряев аатынан сквергэ СӨ уонна Дьокуускай куорат салайааччылара, куорат олохтоохторо, Г.И. Чиряев биир дойдулаахтара уонна аймахтара сибэкки дьөрбөтүн уурдулар.
СӨ Ил Түмэн бэрэссэдээтэлэ, Алексей Ильич Еремеев, Г.И. Чиряев салайар бириэмэтигэр өрөспүүбүлүкэ соҕуруу өттө күүскэ сайдан саҕалаабыта, Нерюнгри куорат төрүттэммитэ, Беркакитка диэри тмиир суол оҥоһуллубута — диэн кэпсээтэ.
Кини көҕүлээһининэн Дьокуускай, Бүлүү, Нерюнгри ГРЭСтэрэ тутуллубуттар эбит. Ил Дархан А.С. Николаев дьаһалынан Г.И. Чиряев аатын үйэтитиигэ өрөспүүбүлүкэҕэ араас хабааннаах тэрээһиннэр ыытыллары туралларын бэлиэтээтэ.
СӨ бырабыыталыстыбатын бэрэссэдээтэлин солбуйааччы, Анатолий Асколонович Семенов, Гавриил Иосифович Чиряев төрөөбүтэ 100 сылыгар аналлаах 48 тэрээһин ыытыллаары турарын бэлиэтээтэ. Ол иһигэр Г.И.Чиряев аатынан музейын өрөмүөнүн саҥардыы, суоллары саҥардыы, Бүлүү куоратыгар саҥа таас оскуоланы тутуу, Нерюнгри аэропордугар Г.И.Чиряев аатын иҥэрбиттэрин үөрүүлээхтик кэпсээтэ. Г.И. Чиряев Дьокуускай куораты уотунан уонна гааһынан хааччыйыыга улахан кылааты киллэрбитин бэлиэтээтэ.
Чиряевтар дьиэ кэргэн аатыттан А. Г. и Н. К. Чиряевтар ааттарынан Дьокуускай куорат национальнай гимназиятын дириэктэри иитии өттүгэр солбуйааччы, Анатолий Николаевич Чиряев эҕэрдэ тылын эттэ. Эдэр ыччакка, салайааччыларага улахан кини олоҕо улахан холобур буоларын биллэрдэ.
Keskil14.ru