Бу күннэргэ буойун-учуутал, саха Маресьева Степан Кузьмич Макаров аатын сүгэр Чурапчы гимназиятыгар футбол чөмпүйэнээтэ ыытылынна. Төһө даҕаны кыһыары күһүн былыттаах, тымныы буолбутун иһин, оскуолабыт спорт салаатыгар үөрүү-көтүү аргыстаах күрэс буолан ааста. Олус кэрэхсэбиллээх уонна күүстээх оонньуулары көрдүбүт. Ол курдук, хамаандалары үс бөлөххө араарбыттара: 5-6 кылаастар, 7-8 уонна 9-11 кылаастар.
Тыҥааһыннаах оонньуулар кэннилэриттэн түмүк маннык буолла: улахан кылаастарга 1 миэстэ — 11-с кылаас, 2 миэстэ — 10-с кылаас, 3 миэстэ — 9-с кылаас. «Бастыҥ вратарь» – Айысхан Пахомов (9 «Б» кылаас), «Бастыҥ нападающай» – Коля Седалищев (10 «Б» кылаас), «Бастыҥ оонньооччу» – Эрчим Романов (11 «Б» кылаас). Орто сүһүөх кылаастарга 8 «Б» кылаас бастакы миэстэ буолла. 2 миэстэ – 7 «А», 3 миэстэ – 8 «А» кылаас. «Туһалаах оонньооччу» — Валера Федулов (7 «А» кылаас), «Бастыҥ нападающай» — Дьулус Захаров (8 «А» кылаас), «Бастыҥ оонньооччу» – Сеня Ноговицын (8 «Б» кылаас). Кыра кылаастарга 1 миэстэ – 5 «Б» кылаас, 2 миэстэ – 6 «А» кылаас, 3 миэстэ – 6 «Б» кылаас. «Бастыҥ нападающай» – Сеня Гурьев (6 «А» кылаас), «Бастыҥ оонньооччу» – Дамир Данилов (5 «Б» кылаас)
Кыайыылаахтары истиҥник эҕэрдэлиибит. Кэрэхсэбиллээх оонньуулары бэлэхтээбиттэригэр махтанабыт.
Бу күрэххэ уратыта диэн бириистэри гимназиябыт төрөппүттэрэ спонсордаатылар. Оҕолор уонна үлэһиттэр ааттарыттан Анна Владиславовна, Роман Егорович Седалищевтарга, Изабелла Владимировна, Василий Саввич Поповтарга улахан махталбытын тиэрдэбит.
Софрон ПАВЛОВ, IX «А» кылаас,«Тумус кыһа» медиа-киин,
С.К. Макаров аатынан Чурапчы гимназията