Тохсунньу 7 күнүгэр «Новогодние каникулы с МФК «Эльгяй» бырайыак түмүктүүр тэрээһинэ «Футбол легендалара уонна сулустара» диэн хамаанданан квиз-оонньуу ыытылынна. Тэрээһин аан дойдуга аатырбыт футболист Пеле сырдык аатын үйэтитэр сыаллаах ыытылынна.
Оонньууга студеннар, оскуола үөрэнээччилэрэ 2 хамаандаҕа арахсан футбол туһунан билиилэрин-көрүүлэрин тургутан көрдүлэр. Түмүккэ кыайыыны «Каталонцы» хамаанда ылла, 11 «б» кылаас үөрэнээччитэ Алеша Охлопков үчүгэй оонньууну көрдөрөн мээчигинэн наҕараадаланна. Тэрээһини ыытарга күүс-көмө буолбут Уйбаан Нуолур аатынан модельнай библиотека коллективыгар махталларын тиэрдэллэр.
Үүнэр көлүөнэҕэ — чөл олоҕу!
Эдэр ыччакка — маассабай спорду!
Сунтаардааҕы 1 №-дээх орто оскуола медиакиинэ.