Аҕа дойду Улуу сэриитин туһунан кэпсиир видеохроникалары киһи долгуйа көрөр. Биһиги эһэлэрбит, хос эһэлэрбит Улуу Кыайыыны хайдахтаах курдук улахан сыранан, дьулуурунан, тулуурунан ситиспиттэрин көрөн итэҕэйэҕин. Бу видеохроникалар Саха Өрөспүүбүлүкэтин норуоттарын аудиовизуальнай нэһилиэстибэтин Национальнай киинигэр кичэллик хараллан сыталлар. Биир оннук сыаналаах видеохрониканан “Леннаучфильм” таһаарбыт (сыла ыйыллыбатах) “Письма военной поры” киинэтэ буолар https://vkvideo.ru/video-199463452_456242634
ПИСЬМА ВОЕННОЙ ПОРЫ
Сэрииттэн байыас дьиэтигэр сурук суруйарын туһунан ырыа иһиллэр. Кини сурукпун бу кимэн киирии кэнниттэн ситэ суруйуом дии саныыр.
Саллааттар суруйбут мөлүйүөнүнэн суруктара. Бу суруктар сэрии хонуутуттан эрэли, Ийэ дойдуга тапталы аҕалаллара. Бу суруктар улахан суолталаахтара. Бүгүн, бу биһиэхэ Улуу Кыайыы кэриэһэ буолар.
Историческай наука доктора Сигурт Оттович Шмитд кэпсиир. Фронтовой суруктары бүгүн бүтүн норуот ытыктыыр. Бу үлэҕэ оскуола оҕолоро элбэх көмөнү оҥороллоро.
Шмидт бүтүн хаалбыт фронтовой суруктартан копия оҥорон аналлаах хранилищеҕа уурар туһунан этии киллэрэр. Бу биһиги норуоппут кэриэһэ көлүөнэттэн көлүөнэҕэ сүппэккэ бэриллиэхтээх: «… Мы понимаем как трудно с ними расстаться. И не призываем отдавать их сейчас. Разрешите взять копии. Сообщите об этом. Завещайте, чтобы это перешло на государственное хранение».
40-с сыллардааҕы эдэр көлүөнэ. Письма в этом платочке хранятся уже 44 года. Эти письма …
Зоя Петровна Белова убайа фронтан ыыппыт суруктарын кинилэр 44 сыл устата харыстаан уура сылдьыбыттара. Билигин бу суруктары Бүтүн Сойуустааҕы хранилищеҕа биэрдилэр. Сэрии бастакы күннэриттэн манна Москваҕа сэриигэ барбыт икки табаарыстыы уолаттар суруктара кэлэллэрэ. Ол суруктары бары күүтэллэрэ, мунньустан ааҕаллара.
Толя Белов уонна Геня Афанасевич биир оскуолаҕа үөрэммиттэрэ. Иккиэн комсомолецтар этилэр. Толя географияны сөбүлүүрэ, Геня художник буолар баҕалааҕа. Иккиэн музыкаҕа дьоҕурдаахтара.
Кинилэр табаарыстарын кытта түмсэн араас концертары тэрийэллэрэ. Толя почтальонунан үлэлээн ылбыт харчытынан саҥа көстүүм ылыммыта. Бу эйэлээх олоҕу сэрии аймаабыта. Геняны тылга үөрэххэ ыыппыттара. Толя фронт инники кирбиитигэр түбэспитэ.
Биир суругар Толя Белов Днепр иһин кырыктаах охсуһуу туһунан, бу сэриигэ элбэх табаарыстарын сүтэрбитин, төгүрүктээһиҥҥэ түбэспитин, билиэнтэн этэҥҥэ куоппутун, билигин фроҥҥа бараары бэлэмнэнэрин туһунан суруйбута. Кини табаарыһын Геня туһунан туоһуласпыта.
“…Были взяты в плен. От голода у меня опухли веки и я почти ослеп. С самого начала я решил бежать, но не было возможности. Когда нас гнали в Ерино я все-таки сбежал. Сейчас мы в Ефремово. Скоро нас обмундируют и на фронт. Интересно узнать, где Геня? Пока все. Анатолий Белов”.
Геня хас суруган ахсын доҕорун туһунан ыйыталаһара. Геня суруктара бастаан тыылтан кэлэллэрэ, онтон суруктара фронтан кэлэр буолбуттара.
«Здравствуй, дорогая моя милая мама! В своем письме я буду краток, и писать долго не могу. Болят кончики пальцев. Я их слегка обморозил. Милая мама, мне очень приятны твои советы насчет здоровья…»
Геня фронтан бастакы суругар ийэтин «Доруобуйаҕын харыстаа, кыайыы буолуо, мин тыыннаах төннүөм», – диэн суруйбута.
“…Два раза ходили на наступление. Погибло много моих товарищей. Как там Толя Белов? Любящий тебя сын, Геня”
Онтон сотору Геня госпитальтан суруйбута. Эстибит миинэ бытархайа өттүгэр түбэспитэ, ону операциялаабыттара, элбэх хаанын сүтэрбитэ. Кини суругар ийэтин «Наһаа санаарҕаама, манна үчүгэй быраастар уонна амарах санаалаах медсестралар үлэлииллэр онон сотору үтүөрүөм», – диэн уоскуппута.
“…Было во первых не когда, а тут еще к большому несчастью раненых много. И вот сейчас, я лежа в кровати пишу тебе письмо. Почерк опять таки не красивый. Потому что, большая слабость и все же ранение в правый бок. За мной уход сейчас очень хороший, замечательные сестренки делают во время перевязки. Вчера мне дали несколько пряников и конфет. Мне сделали операцию, я был ранен разрывом мины. Почему молчит Толя? Любящий тебя сын, Геня ”
Геня ийэтигэр госпитальтан Соня диэн медсестра суруйбута. Кини Геня ыараханнык бааһырбытын, биһиги кинини кыһаллан туран эмтиибит, сотору бааһа оһуо диэн эрэнэбит, ийэни сэргэхситэр, уоскутар суругу суруйбута.
“Должна вам сказать, что было такое время, которое для Гени было опасным. Тогда я прикладывала все знания и силы чтобы спасти его. Прошу вас, не волноваться за Геню. Нам его конечно очень жалко, так как это жалко мне моих родителей, о которых я не имею никаких известий. С приветом к вам, Соня Камышкина”.
Ол гынан, Геняны кыайан өрөһүйбэтэхтэрэ. Кини тыыллааҕы госпитальга өлбүтэ.
Толя суругар доҕоро өлбүтүн олус хараастыбытын, кини фашистары утары харса суох сэриилэһэр санааламмытын туһунан суруйбута. Икки төгүл бааһырбыта, ол эрэн сэрии хонуутуттан тахсыбатаҕа.
«…В нашем участке фронта идут ожесточенные бои. Гоним Фрица на Запад. 17 августа мы штурмовали Высоту. В бою за овладение Зотом ранило осколком в ногу. Рана пустяковая, и скоро я опять вернусь в строй. Давно я вам уже не писал. После ранения я попал в другую часть. И все это время я был в жестоких боях, так что, было не до писем. Если бы не каска на голове я был бы уже дважды убит. Пока, до свидания. Как получите пишите сразу. Полевая почта, 19389В, ваш Анатолий».
Бу Толя бүтэһик суруга этэ. Толя Белов сураҕа суох сүппүтэ. Зоя Петровна уолун Толя диэн убайын аатынан ааттаабыта.
«Своего единственного и долгожданного ребенка мы назвали, конечно, Анатолием. В честь погибшего брата».
Улахан Толя географ буолар баҕалааҕа. Кыра Толя география учуутала буолбута. Кини алтыс кылааска үөрэнэ сылдьан икки доҕордууларга Толяҕа уонна Геняҕа аналлаах альбом оҥорбута. Кини таайа Анатолий Белов икки төгүл хорсун быһыы мэдээлинэн наҕараадаламмытын туһунан докуомуоннары булбута.
«Когда мы ехали и видели перед собой лица воинов, обелиски и мемориалы, братские могилы… »
Кини үөрэнээччилэри салайан обелисктарга, мемориалларга, бырааттыы көмүллүбүттэр уҥуохтарыгар бара сылдьыбыта. Кини манна Белов диэн фамилияны мэлдьи көрсөрө, сороҕор инициаллара кытта сөп түбэһэллэрэ.
«Ёкает сердце, когда встречаешь А.П. Белов, видишь не фамилии, а пытаешься представить этих людей»
Кыһыл суолдьуттар сэрии историятын үөрэтэллэр. Элбэх килбиэннээх ааты, дьылҕаны арыйдылар.
Бэчээккэ бэлэмнээтэ Виктория КОЛОДЕЗНИКОВА
keskil14.ru