Олунньу 4 күнүгэр оскуолабыт бочуоттаах мецената, «Республиканскай инвестиционнай компания РИК» бастакы генеральнай дириэктэрэ, Россия бочуоттаах тутааччыта, Саха Өрөспүүбүбүкэтин норуотун хаһаайыстыбатын үтүөлээх үлэһитэ, Чурапчы улууһун, Чурапчы, Одьулуун, Хадаар нэһилиэктэрин бочуоттаах гражданина Александр Иванович Федотов аатынан V өрөспүүбүлүкэтээҕи куонкуруска экспертин, физика учуутала Георгий Григорьевич Захаровы көрсөн кэпсэттим.
– Георгий Григорьевич, Эһиги санааҕытыгар, оскуола үөрэнээччилэрэ физиканы профильнай предмет быһыытынан талан эксээмэн туттаралларыгар интэриэһи хайдах үрдэтиэххэ сөбүй?
– Физиканы профильнай предмет оҥорорго оскуолаҕа физика учууталлара толору баар буолуохтаахтар. Предмети үөрэтиигэ элбэх чааһы аныахха уонна элбэхтик эрчиллиэххэ, суоттуохха наада. Билигин искусственнай интеллект олус сайда турар. Онон да сибээстээн физика инники күөҥҥэ сылдьыахтаах.
– Эһиги үс сыл биһиги Ил Дархаммытын Айсен Сергеевич Николаевы физика предметыгар үөрэппит эбиккит. Айсен Сергеевич физиканы хайдах ылынар этэй?
– Айсен Сергеевиһы үс сыл Үөһээ Бүлүүгэ физмат оскуолаҕа үөрэппитим. Кини физиканы олус дириҥник ылынан үөрэппитэ. Бу предметы “5” сыананан бүтэрбитэ. Оскуола кэнниттэн Михаил Ломоносов аатынан Москватааҕы государственнай университет физика факультетын ситиһиилээхтик үөрэнэн бүтэрбитэ.
– Биһиги оскуолабытыгар ыытылла турар Александр Иванович Федотов аатынан V өрөспүүбүлүкэтээҕи куонкурус үрдүк таһымҥа тахсар кыаҕын туохха көрөҕүтүй?
– Бу тэрээһин таһымын өссө үрдэтэн, Чурапчы, Дьокуускай куорат таһымыгар тахсан салгыы ыытыллыан наада.
– Георгий Григорьевич, интервьюн иһин улахан махтал. Эһиэхэ ситиһиилэри баҕарабын.
Кэпсэттэ Алена КСЕНОФОНТОВА, VIII кылаас,
С.Д. Флегонтов аатынан Хадаар орто оскуолата, Чурапчы