Филипп Гаврильевич Охлопков аатынан Майа орто оскуолатыгар «Феникс» оҕо тэрилтэтэ көҕүлээһининэн «Бастыҥнар хамсааһыннара» Россиятааҕы оҕо уонна ыччат хамсааһыннарын бастакы салаата бүтүн өрөспүүбүлүкэ үрдүнэн маҥнайгынан арылынна.
Председателынан 9 кылаас үөрэнээччитэ, «Феникс» оҕо тэрилтэтин президенэ Максим Брызгалов талылынна.
— Оскуолабытыгар саҥа тэриллибит «Бастакылар хамсааһыннара» Россиятааҕы оҕо уонна ыччат хамсааһынын бастакы салаата инники былааннарыгар өссө элбэх бырайыактарга, хамсааһыннарга уонна тэрээһиннэргэ көхтөөх кыттыыны ылыахпыт, — диэн этэр саҥа сүүрээн саҥа талыллыбыт председателэ Максим Брызгалов.
Кураторынан дириэктэри оҕону иитэр үлэҕэ сүбэһитэ Кэскилээнэ Николаевна Петрова ананна.
— Саҥа үөрэх чиэппэригэр Россиятааҕы оҕо уонна ыччат хамсааһынын бастакы салаата биһиги оскуолабытыгар күүскэ тэрээһиннээхтик үлэлиэҕэ диэн эрэнэбин. Бары түмсүүлээх, көхтөөх буолуоххайыҥ!, — диэн туһаайан этэр Кэскилээнэ Николаевна.
keskil14.ru