Алтынньы 21 күнүгэр Саха Өрөспүүбүлүкэтигэр ийэ күнүн уонна Российскай Федерацияҕа аҕа күнүн көрсө «Zoom» былаhааккатыгар төрөппүт хамыыhыйаларын салайааччыларыгар, дьиэ кэргэн педагогтарыгар уонна пилотнай үөрэх кыһаларыгар аналлаах «Эркээйи эргиирэ» бырагыраама ис хоhоонун билиhиннэрэр көрсүhүү буолла.
Тэрээhиҥҥэ «Эркээйи эргиирэ» айар бөлөх салайааччыта, Саха сиригэр ытыктанар мэтэдьиис, СӨ үөрэхтээhинин үтүөлээх үлэhитэ Ильина Т.М. уонна бырагыраама консультана, киэҥник биллэр дьиэ кэргэн педагога, РФ суруналыыстарын сойууhун чилиэнэ Аргунова Л.С. кыттыыны ыллылар. Көрсүhүүнү Николаева М.П., «Юные якутяне» өрөспүүбүлүкэтээҕи тирэх киин ыстаарсай мэтэдьииһэ салайан ыытта. Тэрээһин сэhэргэhии хабааннаахтык олус истиҥник ааста.
Кыттааччылар хас да түгэҥҥэ болҕойон, тута ыйытыы биэрэн, хоруй, сүбэ-ама, туhаайыы ыллылар. Үгүс төрөппүт бырагырааманы сэҥээрбитин биллэрдэ, хайдах кыттыhыахха сөбүн туоhуласта. Төрөппүттэр тэрийээччилэри сүбэ быhыытынан сытыы тиэмэлэри ырытан, үтүө холобурдары билиhиннэрэн, араас кэпсэтиилэри оҥорорго көрдөстүлэр.
Түмүккэ Аргунова Л.С. «Эркээйи эргиирэ» бырагыраама олоххо киирэр хайысхаларын уонна ньымаларын балайда киэҥник толкуйдаабытын уонна үлэни дьиэ кэргэнтэн саҕалыыр тоҕоостооҕун ыйда. Аҕыйах хонуктааҕыта «Ыал үөрэҕиттэн» диэн дьиэ кэргэҥҥэ оҕо сайдар эйгэтин тэрийэргэ тирэх буолар кинигэни таhаарбытын билиһиннэрдэ.
ϴрөспүүбүлүкэтээҕи
«Юные якутяне» ресурснай киин
пресс-сулууспата, төл. 319-320.