Биһиги бүгүн Соболоох нэһилиэгин аҕа баҺылыгар Павлов Эрик Геннадьевичка нэһилиэкпитигэр туох уустуктар баалларын уонна сайдыыбыт туһугар туох үлэ бара турарын билэ кэллибит.
— Эрик Геннадьевич үтүө күнүнэн! Соболоох нэһилиэгигэр төһө киһи олороруй?
Үтүө күнүнэн, уопсайа Соболоох нэһилиэгигэр 198 киһи олорор, онтон оҕото 45, улахан
дьоно 153 буолар.
— Нэһилиэкпитин историятыттан бэлиэ түгэннэрин,чахчыларын кылгастык сырдатыаххыт
дуо?
Соболох нэһилиэгэ Республикабыт «Ийэлэр» гимнын суруйбут авторынан биллэр. Тихон
Толомон Черёмкин – Муома оройуонун Соболоох нэһилиэгигэр сэтинньи 11 күнүгэр күн
сирин көрбүтэ. Тихон оскуолаҕа сылдьан айар үлэ алыбыгар ылларбыта. Ол саҕанааҕы
хоһоонноро хоп курдуктар, сүрдээх үчүгэй формалаахтар. Үгус хоһоонноро «Эдэр саас»,
«Муома5а саас кэллэ», «Бэлэхтээ» ырыа буолан республика араас муннуктарынан
дайдылар. Ийэ уобараһын кимнээҕэр толору арыйбыт поэт диэхпитин сөп, ол курдук
“Ийэҕэ махтал” хоһооно республикабыт ийэлэр гимнара буолбута.
— Билиҥҥии туругунан нэһилиэк иннигэр ханнык ыараххаттар туралларый?
Муома оройуона ыраах хоту сытар буолан интернет ситимигэр киирэ иликпит, билигин
интернет хайа баҕарар тэрилтэҕэ олуһун диэн наада.
— Ону хайдах быһаараҕытый?
Былырыын 2022 сыллаахха Арктическай улуустарга интернет киллэриитин
республиканскай программатыгар хапсыбыппыт, ол ситиминэн биһиги улууспутугар 2025
сылга интернет киирэр.
— Нэһилиэкпитигэр туох улэ бара турарый?
Билиҥҥии туругунан биһиги нэһилиэкпитигэр уулуссалары сырдатыы үлэтэ бара турар,
уопсайа 63 лампа турда, онтон дөссө 2 лампа эбии туруоруллуохтаах бу күннэргэ. 2017
сыллаахха саҥа котельнай үлэҕэ кииртэ, ол сылтан ыла бөһүөлэкпит улахан аҥаара
отопления систематыгар киирбиттэрэ, билигиҥҥии туругунан 2 чааһынай дьиэлэр
отопления систематыгар холбоноллоро хаалла, ол улэтэ бара турар.
Фёдоров Чаҕыл, Соболоох орто
оскуолатын 9 кылаас үөрэнээччитэ.