Новиков Владимир Михайлович – Күннүк Уурастыырап төрөөбүт Эмис нэһилиэгин Сааппыйа алааһыгар сылдьан аастыбыт. Сахалыы мааны таҥастаах, алгыстаах алаадьылаах, минньигэс быырпахтаах нэһилиэк олохтоохторо тоһуйдулар. Ол курдук, тоҕо Эмиһи инник диэн ааттабыттарын Алексей Ильич диэн үтүө-мааны учуутал кэпсээтэ.
Сиһилии, урут биир эмис дьахтар олоро сылдьыбыта үһү уонна «Эмис» диэн күөл баар эбит. Кини аан бастаан кэлэн баран бу сири көрөөт астынан олохсуйарга санаммыт. Ити кэнниттэн баай дьон мустан олорор буолбуттар уонна онтон ыла инник диэн аат иҥэриллэн хаалбыт.
Күннүк Уурастырап түмэлигэр сылдьан, кини оҕо сааһын ааспыт балаҕаныгар утуйбут оронун, аһаабыт иһитин сэргээн көрдүбүт.
Мэҥэ Хаҥалас, Нам уонна Амма улуустан сылдьар күрэхтэһээччилэр 5 күн устата Владимир Михайлович айымньыларын ис хоһоонун араас маһынан оҥоһугунан ойуулабыттар. Аргунов Василий Артемьевич үлэтэ кыайыылаах таҕыспыт.
Онон, Владимир Новиков олорон ааспыт алааһын, «Кэскил» бэчээт кыһатын юнкордара көрөн астыннылар, Күннүк Уурастыырап туһунан элбэх саҥаны биллилэр.
Алена Федорова, И.Г. Тимофеев аатынан Майа лиссиэйин 10 кылааһын үөрэнээччитэ, Мэҥэ Хаҥалас