Улууска экология сылын чэрчитинэн С.П. Данилов аатынан Бэрдьигэстээх орто оскуолатыгар араас хабааннаах тэрээһиннэр бараллар. Сэтинньи ый 9-12 күннэригэр алын сүһүөх үөрэнээччилэригэр Экология нэдиэлэтэ ыытылынна.
Экологическай уруоктары педагогическай үлэ бэтэрээнэ, өр сылларга алын сүһүөх научнай- методическай отделын салайбыт, РФ үөрэхтээһинин Бочуоттаах үлэһитэ, СӨ үөрэхтээһинин туйгуна, оскуола гигиеническай үлэҕэ инструктора Евдокия Ильинична Романова интэриэһинэйдик ыытта.
![](https://keskil14.ru/wp-content/uploads/2022/11/e696d13f-8375-4c65-93bb-37bbddc020ea.jpg)
![](https://keskil14.ru/wp-content/uploads/2022/11/aab64813-4ca6-44f2-9491-c336cfc3b1ea.jpg)
![](https://keskil14.ru/wp-content/uploads/2022/11/0149894e-ed99-46bf-af32-7e421c87921a-1.jpg)
Улуустааҕы айылҕа харыстабылын инспекцията тэрийэр «Батарейки, сдавайтесь!» акцияҕа оҕолор көхтөөхтүк кытыннылар. Көһө сылдьар батарейкалары хомуйар дьааһыкка уган туттардылар.
Биир сэргэх тэрээһин айылҕа аһын боруобалааһын быыстапка-дегустация буолла. Оскуола учууталлара дьиэлэриттэн отон арааһын, черникаттан, малинаттан, дьэдьэнтэн, кыһыл, хара хаптаҕастан, морошкаттан, дьөлүһүөнтэн барыанньалары, сүөгэй, мүөт, отон утахтары, эт арааһын аҕалан оҕолорго үөрэтэр сыаллаах боруобалатан, билиһиннэрэн кэпсээтилэр.
Саҥа, сонун тэрээһинтэн үөрэнээччилэр астыннылар, элбэҕи биллилэр.
«Кэскил» медиа-оскуола.