Биһиги Егор Местниковтыын бастакы кылаастан бииргэ үөрэнэбит, онтон ыла доҕордуубут. Егор алта сааһыттан многоборьенан дьарыктанар, манна кинини аан бастаан төрөппүттэрэ аҕалбыттара, оҕолоругар саха төрүт оонньууларыгар интириэһин таппыттара. Кини тренердэрэ — Саха сиригэр биллэр «Дыгын оонньууларын» хас да төгүллээх кыайыылааҕа, Иван Прокопьевич Белолюбскай, ону кытта Михаил Васильевич Николаев уонна Василий Васильевич Захаров. Кинилэр доҕорум дьаныардаах дьарыгар улахан оруоллаахтарын куруук Егор астына ахтар, кэпсиир. Саамай сөбүлүүр уонна холобур ылар спортсмена — Вячеслав Дьяконов. Бэйэбит оскуолабытыгар сылын аайы ыытыллар улахан кылаас уолаттарыгар «Туймаада уоланнара» күрэҕи сөбүлээн көрөр-истэр, улааттахпына кыттыам диэн бигэ эрэллээх. Бу күннэргэ ыытыллыбыт өрөспүүбүлүкэтээҕи многоборье күрэҕэр 53 оҕоттон бастакы миэстэни ылла. Бу күрэххэ биэс көрүҥҥэ күөн көрүстүлэр – мас тардыһыы, хапсаҕай, сүүрүү, тутум эргиирэ уонна үс төгүл үс.
Тус бэйэм Егор кыайыытыттан ис сүрэхпиттэн олус үөрдүм.Бу күрэххэ кыайарыгар күүстээх эрэли төрөппүттэрэ, бииргэ дьарыктанар уолаттара уонна бэйэтин күүстээх санаата улахан оруолу оонньообут. Ол курдук, Егор нэдиэлэҕэ үс күн 10.30 саҕалаан 12.00 дылы «Модуҥҥа» биир да күнү көтүппэккэ, барыта тэҥ саастаах 12 оҕолору кытта тохтоло суох дьарыктанар. Кини дьаныардаах, бириэмэтин сөпкө аттаран туһанар буолан, маннык кыайыыны ситистэ дии саныыбын. Ону таһынан дьарыгын кэннэ оскуолатыгар үөрэнэ кэлэр. Үөрэҕэр кыһаллар буолан 4-5 сыанаҕа үөрэнэр. Кини биһиэхэ доҕотторугар, олус чугас, ханнык баҕар түгэҥҥэ көмөҕө сүүрэн кэлэр, элэккэй, кыахтаах буоларыттан биhи бары кининэн киэн туттабыт!
Кирилл ЛАЗАРЕВ,
VII кылаас,
Дьокуускай куорат 17 №-дээх орто оскуолата
.