Арктика улууһун актыбыыстара уонна лидердара Үөһээ Дьааҥы улууһугар кулун тутар 20 күнүгэр Коммунарскай түмсүүгэ муһуннулар. Манна Үөһээ Дьааҥы оскуолаларын уонна Эбээн-Бытантай улууһун актыбыыстара кытыннылар. Үөрүүлээх тэрээһини хас биирдии кэлбит хамаанда бэйэни билиһиннэрииттэн — «Визиткаттан» саҕалаата.
Иккис түһүмэххэ кыттааччылар маастар-кылаас көрдөрдүлэр. Ол аата хас биирдии актыбыыс бэйэтин талаанын, тугу сатыырын барытын көрдөрдө.
Үһүс түһүмэххэ араас оонньуулар, күрэхтэр ыытылыннылар. Манна кыттааччылар бэйэлэрэ оонньуу толкуйдаан кэлэн, оҕолорго аналлаах оонньуулары, күрэхтэри ыыттылар. Гитаранан да оонньоотулар, ыллаатылар, станцияларынан квиз уо.д.а. ыытылынна. Түмүгэр уоттаах-күүстээх дискотека буолла.
Бу курдук улахан тэрээһин буолан ааста. Үөһээ Дьааҥы чугас сытар оскуолалара уонна биһиги — Эбээн-Бытантай национальнай улууһун актыбыыстара баран кыттан, кыайан-хотон, олус үчүгэйдик ыалдьыттаан кэллибит.
Эһиилги Коммунарскай түмсүүнү долгуйа күүтэбит!
Стас ПОПОВ,
Кустуур орто оскуолатын 8 кылааһын үөрэнээччитэ, «Биракчаан» медиа-киин юнкора.
Кэскил14.ру