Саха норуодунай бэйээтэ Петр Николаевич Тобуруокап аатынан парк оҥорорго Үөһээ Бүлүү улууһун Ороһу нэһилиэгин администрацията (баһылык Антонов А.В.) «1000 дворов на Дальнем Востоке» диэн федеральнай программаҕа киирэн, ортотунан аҕыс мөлүйүөнтэн тахса суумалаах граҥҥа тиксэн, атырдьах ыйын саҥатыттан парканы цеменнээн үлэтин саҕалаатылар. Проект быһыытынан кытыыта цеменнэнэн, ортото газонунан сабыллар эбит. Ону таһынан Кыайыы болуоссада плитканан тэлгэтиллиэхтээх.
Бу үлэни предприниматель Г.А. Спиридонов ылсан олоххо киллэриэхтээх. Билиҥҥи кэмҥэ Дьокуускайтан Амир Алиевич Абдиев, Таджикистантан Махмадсодик Назридинович Бурхонов, Шахриер Бохтурович Ходжиев кэлэн үлэлии сылдьаллар. Кинилэр 10-15 хонугунан бэриллибит үлэни бүтэрэр былааннаахтар.
Таджиктар саха сирин сайына итиитин, кумаарын, кырдаайытын сөҕөллөрүн эттилэр. Үлэһиттэр олохтоохтор, оҕолор дуоһуйа сынньаналларын курдук кыһаллан туран үлэлиибит дэстилэр.
Олохтоох администрация гран ыларыгар «ООО Мегаполис-19» тэрилтэ проекка көмөлөспүтүгэр махтала улахан.
Биһиги, оҕолор, мини -парк түргэнник бүтэн,көҥүл оонньуох, билисипиэттээх этибит. Баҕа санаабытын этэр буоллахха, фонтан баар буолуон баҕарабыт.
Ванесса Васильева, «Тымтык» пост, Ороһу