Балаҕан ыйын 23 күнүгэр киин куоракка Национальнай художественнай түмэлгэ Америка фотохудожнига Эдвард Аллен үлэлэрин — «Страшные истории» мистическэй стерео-мэтириэттэр быыстапкаларын туруоруохтара. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.
Быыстапкаҕа Эдвард Аллен чааһынай коллекциятыттан 32 айымньыны көрдөрүөхтэрэ, кини стерео-варио тиэхиньикэҕэ олоҕуран викторианскай кэм дьиҥнээх хаартыскаларыгар олоҕуран оҥоһуллубут. Кини хартыыналара ураты көстүүлээх буолалларыгар цилиндрическэй линзэнэн туһанар. Хартыына хамсыырын ситиһэргэ хас да түһүмэҕи ааһар: түһэрии, кодирование, таһаарыы уонна тирэҕэр сыһыарыы.
Көрөөччү турар балаһыанньатыттан былыргы хаартыска кутталлаах көстүүгэ кубулуйар. Хаартыска улахан аҥара биир дьиэ кэргэн мэтириэтэ буолара бэлиэтэнэр.
«Страшные воспоминания» быыстапка бырайыага Россия араас куораттарыгар ситиһиилээхтик туруоруллубута.