Аина Стрекаловская Солоҕон оскуолатыгар үөрэнэ сылдьан спортивнай оскуолаҕа киирбитэ. Аина «Манчаары оонньууларыгар» өрөспүүбүлүкэбит бастыҥ спортсменнарын кытта күөн көрсөн улахан ситиһиилэммитигэр бары олус астыммыппыт.
Кини мас тардыһыытыгар 1 миэстэ буолбута. Эдьиийим олус күүстээҕин эрдэттэн даҕаны билэр буолан, соһуйбатаҕым. Аина кыратыттан илиинэн от охсор, ынах ыыр, ханнык даҕаны үлэттэн иҥнэн-толлон турбат.
Улууспут бастыҥ сүүрүктэриттэн сүүмэрдэммит хамаандаҕа киирэн эдьиийим эстафетаҕа кыттыбыта. «Тоҕус туруйа уол, аҕыс кыталык кыыс» диэн эстафетаҕа палка оннугар дэйбиири бэрсибиттэрэ. Олус элбэх хамаандаттан Чурапчыларга эрэ иннилэрин биэрэн, Горнайдар иккистээбиттэрэ. Эдьиийим ыстаныыга, маска, сүүрүүгэ барытыгар эрчийбит тренеригэр Максим Николаевич Оегостуровка, махталбын оскуолам хаһыатыгар суруйаар диэбитэ. Солоҕоҥҥо үөрэппит-эрчийбит учууталын Любовь Александровна Захарованы эмиэ мэлдьи үтүө тылынан ахтар.
Василий НАРОДОВ,
С.И. Тарасов аатынан Өрт орто оскуолатын 8 кылааһын үөрэнээччитэ.
Салайааччы: Т.А.Тарасова.