Гражданскай герой Кеша Алексеев аатын сүгэр Хаптаҕай орто оскуолатын алын кылааһын эдэр учуутала Никифорова Айталина Эдуардовна олунньу ый 16-17 күннэригэр улууска ыытыллыбыт «Молодой педагог 2021» күрэххэ ситиһиилээхтик кытынна.
Күрэх Аллараа – Бэстээх оскуолатыгар ыытылынна. Бу күрэххэ барыта 17 учуутал 4 түһүмэххэ күрэн көрүстүлэр. Бастакы түһүмэх – аһаҕас уруок , иккис – үөрэтиигэ, иитиигэ ыйытыкка эппиэт, уһус түһүмэх – маастар кылаас уонна төрдүс түһүмэх финалга ааспыт педагогтарга – пресс конференция.
Айталина Эдуардовна аһаҕас уруогу 2 кылааска «Части речи» тиэмэҕэ ыытта. Биллэн туран саҥа көрөр билбэт оҕолорго уруок ыытар уустуктардаах буолар. Уруок бары ирдэбиллэргэ сөп тубэһэн дьүүллүүр сүбэ учуутал уруогы ыытар таһымын үрдүктүк сыаналаата. Иккис этап — педсовет «Развитие карьеры педагога», салгыы эдэр учуутал маастар кылааһы «Человек» диэн тиэмэҕэ бэрткэ ыытан курэх бастакы күнүн түмүгүнэн финалга ааһан салгыы киирсэр быраабы ылбыта.
Финалга 17 кыттааччыттан — Хорообут , Майа икки , Хара уонна Хорообут оскуолаларыттан 5 кыттааччы ааспыта ол иһигэр биһиги Айталина Эдуардовнабыт. Ол курдук 2 күннээх күрэх түмүгүнэн «2023 эдэр педагога» ааты Хорообут орто оскуолатын учуутала Шестакова Елена Егоровна ылла уонна Айталина Эдуардовна Лауреат үрдүк аатын ылла.
Бу эдэр педагог бастакы курэҕэ буолар. Айталина Эдуардовна биһиги оскуолабытыгар 2 сылын үлэлиир, быйыл маҥнайгы кылаастары ылбыта. Улэтигэр кыһамньылаах, бары оскуола, нэһилиэк тэрээһиннэригэр актыыбынайдык кыттар. Үөрэнээччилэр, төрөпүттэр бэркэ сөбүлүүр педагогтара.
Маҥнайгы кылаас үөрэнээччитэ Давыдова Сандаара – «Мин учууталым Айталина Эдуардовна , кини наһаа үчүгэй уонна «Эдэр учуутал» күрэххэ ситиһиилээхтик кыттыбыта. Учууталбын эҕэрдэлиибин уонна доруобай буоллун, дьоллоох буоллун» — маннык учууталын эҕэрдэлиир.
Эдэр кэскиллээх учууталбытын бу улуус таһымыгар үрдүк ситиһиитинэн эҕэрдэлиибит уонна инникитин үөрэтэр ииттэр үлэтигэр үрдүктэн үрдүк ситиһиини баҕарабыт.
Кустук медиастудия.