Сунтаар нэһилиэгин депутаттарын бирииһигэр алын кылаас оҕолоругар хапсаҕай түһүлгэтэ ыытылынна. Эдэр бөҕөстөр икки бөлөххө арахсан туһуннулар.
Бастакы бөлөх 1-2 кылаастар. Ыйааһыннара: 22, 25, 28, 32, 35, 35 киилэттэн үөһээ.
Иккис бөлөххө 3-4 кылаастар. Ыйааһыннара: 26,30,34,38,42, 42 үөһээ киилэҕэ элбэх оҕо кыттыыны ылла, барыта 64 эдэр бөҕөс.
Сунтаар бастакы нүөмэрдээх алын сүһүөх кылааһыттан хапсаҕай күрэҕэр 3, 4 кылаас уолаттара 8 буолан кытыннылар.
Күрэх түмүгүнэн, Айтал Дормидонтов 4 миэстэ буолла, Дамир Копылов эмиэ кыранан хаалла. 4 кылаас үөрэнээччитэ Семен Павлов 1 миэстэни ылла уонна грамотанан, мэтээлинэн уонна харчынан бириэмийэлэннэ.
Бу күрэхтэһиини Сунтаар алын сүһүөх оскуолата уонна ДЮСШ тэрийэн ыыттылар. Оҕолорго өссө элбэх ситиһиини, спорду таптааҥ, дьарыктаныҥ!
Сунтаар 1 №-дээх орто оскуолатын медиакиинэ.